EVMविरोधातील लढ्यात ‘वंचित’चीही आघाडी; मोहीम होणार धारदार, निवडणूक आयोगाला घेरणार

वंचित बहुजन आघाडीच्या वतीने राज्यभरात ईव्हीएमविरोधी जनआंदोलन उभारण्यात येणार आहे. ज्याची सुरुवात स्वाक्षरी मोहिमेपासून होणार आहे. तर पुढे टप्याटप्प्याने हे आंदोलन तीव्र करण्यात येणार आहे. विधानसभा निवडणुकीच्या पार्श्वभूमीवर रविवारी पुणे येथे झालेल्या राज्य कार्यकारिणी बैठकीत हा निर्णय घेण्यात आला आहे. ३ डिसेंबर ते १६ डिसेंबर असे सलग पंधरा दिवस राज्यभर ईव्हीएमविरोधी स्वाक्षरी मोहीम राबविण्यात येणार आहे.
Vaibhav Naik : फेर मतमोजणीची मागणी करणार नाही, झालेला पराभव मला मान्य; वैभव नाईकांना कार्यकर्त्यांसमोर अश्रू अनावर
दरम्यान वंचित बहुजन आघाडीचे राष्ट्रीय अध्यक्ष प्रकाश आंबेडकर यांनी व्हिडिओच्या माध्यमातून राज्यातील मतदारांना ईव्हीएमविरोधातील या मोहिमेत सहभागी होण्याचे आवाहन केले आहे. प्रकाश आंबेडकर यांनी याआधीही ईव्हीएम प्रणालीमधील अनेक घोळ त्यांनी माध्यमासमोर मांडले आहेत. तर आता विधानसभा निवडणूक निकालातून चकीत करणारे आकडे समोर आले असता वंचितने आता थेट ईव्हीएमविरोधात आरपारची लढाई लढण्याचा निर्णय घेतला आहे.

वंचित बहुजन आघाडीचे स्थानिक पदाधिकारी, कार्यकर्ते हे आपापल्या विभागात ही मोहीम राबविणार आहेत. सर्व मतदारांनी या मोहिमेत सहभागी होऊन ईव्हीएमला हद्दपार करण्यासाठी हातभार लावावा, असे आवाहन देखील प्रकाश आंबेडकरांनी केले आहे.

ईव्हीएविरोधात मविआचे नेते आक्रमक