६ महिन्यांपूर्वीचा वाद मिटवण्यासाठी तरुणाला बोलावले अन् १० जणांनी…; घटनेने सारेच हादरले, नेमके काय घडले?

वृत्तानुसार, दिनेश उर्फ बबलू परमानंद मोरे हा २६ वर्षीय तरुण चेतना नगर हर्सूल येथे वास्तव्यास होता. दिनेशचा ६ महिन्यांपूर्वी एका इसमाशी वाद झाला होता. या वादामुळे दोन गटांमध्ये संघर्ष पेटला. दोन दिवसांपासून बबलू मारेकरी हे त्याच्या माघावर होते. परंतु आज बबलू आज त्यांच्या जाळ्यात अडकला. जुना वाद मिटवायचा आहे, असा बहाणा बनवून त्याला भेटण्यासाठी बोलावले आणि डाव टाकला.
Crime News : गोणीत बॉडी, कपाळावर टिका… तीन दिवसांपासून बेपत्ता मुलासोबत काय घडलं? पोलिसांना वेगळाच संशय
आपले शत्रू आपल्याविरोधात असा कट रचतील यापासून अनभिज्ञ असणाऱ्या बबलूने हर्सूल जेलसमोरील एन १३ येथील मैदान गाठले. त्याचे इतर सहकारी देखील त्याच्यासोबत होते. आरोपींनी बबलूच्या गळत हात टाकत गप्पा सुरू केल्या. तेवढ्या कोणीतरी बबलूच्या पोटात चाकूने भोसकले. तर इतर काही तरुणांनी त्याला बॅटने मारहाण केली. यात बबलू गंभीर जखमी झाला. त्याच्यासोबत असलेला सुमित चव्हाण देखील गंभीर जखमी झाला. नागरिकांनी दिनेश याला रिक्षात टाकून घाटी रुग्णालयात दाखल केले असता डॉक्टरांनी तपासून मृत घोषित केले. याप्रकरणी गणेश सोनवणे, संकेत गायकवाड, अनिकेत गायकवाड, योगेश यासह इतर आरोपींचा यात समावेश असल्याची माहिती आहे. तर पोलिसांनी पुढील तपास सुरु केला आहे.

६ महिन्याभरापूर्वी झाला होता साखरपुडा

दिनेश उर्फ बबलू याचा ६ महिन्यांपूर्वी साखरपुडा झाला होता. तर १५ डिसेंबर त्याचे लग्न देखील होणार होते. मात्र त्यापूर्वीच बबलूचा खून झाल्यामुळे त्याच्या कुटुंबीयांवर दुःखाचा डोंगर कोसळला आहे. बबलूचा मित्रपरिवार मोठा होता. बबलूचा खून झाल्याची माहिती मिळताच त्याच्या मित्र परिवाराने घाटी रुग्णालयामध्ये धाव घेतली. यावेळी घाटी रुग्णालयासमोर मोठी गर्दी जमली होती.