तुम्ही दादांसोबत DCMपदाची शपथ घेणार का? शिंदेंना प्रश्न, दादांंकडून उत्तर; एकच हास्यकल्लोळ

‘एकनाथ शिंदेंनी सरकारमध्ये राहावं, राज्याच्या हितासाठी काम करावं अशी आमची इच्छा आहे. शिवसेनेचे आमदारदेखील त्यासाठी आग्रही आहेत. त्यांना याबद्दल मी विनंती केली आहे. याविषयीचा निर्णय ते संध्याकाळपर्यंत घेतील. ते सकारात्मक निर्णय घेतील अशी अपेक्षा आहे,’ असं फडणवीस म्हणाले. त्यामुळे नव्या सरकारमध्ये शिंदे असणार की नाही हा प्रश्न कायम राहिला.
ते आधी डोक्यातून काढून टाका! अजितदादांनी वाचली दिल्ली भेटीच्या कारणांची लांबलचक यादी
देवेंद्र फडणवीस यांच्यानंतर अजित पवारांनी माध्यमांशी संवाद साधला. मग एकनाथ शिंदे बोलू लागले. तेव्हा त्यांनाही शपथविधीबद्दल प्रश्न विचारण्यात आला. तुम्ही दादांसोबत उपमुख्यमंत्रिपदाची शपथ घेणार का, असा थेट सवाल पत्रकारांकडून विचारला गेला. त्यावर आताच देवेंद्रजींना याबद्दल सांगितलंय. मी पण सांगतोय, थांबा थोडं. संध्याकाळपर्यंत थांबा. शपथविधी उद्या आहे, असं उत्तर शिंदेंनी दिलं.

शिंदे उत्तर देत असताना अजित पवार यांनी त्यांचं मध्येच तोडलं. ‘संध्याकाळपर्यंत त्यांच्या शपथविधीचं समजेल. पण मी तर शपथ घेणार आहे,’ असं अजित पवार म्हणाले. त्यानंतर एकच हास्यकल्लोळ उडाला. अजित पवारांचं मिश्किल विधान ऐकून सारेच हसले. फडणवीस, शिंदेंनाही त्यांचं हसू आवरता आलं नाही.
Devendra Fadnavis: राज्यात MP, राजस्थान पॅटर्न नाही! देवाभाऊंच्या निवडीमागे १० कारणं; तिसरं दादा, भाईंसाठी सूचक
अजित पवारांच्या विधानावर सारेच हसत असताना एकनाथ शिंदेंनी संधी साधत चौकार मारला. ‘दादांना संध्याकाळी शपथ घ्यायचाही अनुभव आहे आणि सकाळी शपथ घेण्याचाही अनुभव आहे,’ असं शिंदे म्हणाले. त्यानंतर पुन्हा हशा पिकला. शिंदेंच्या टोल्यानंतर पुन्हा एकदा दादा बोलले. ‘आम्ही दोघांनी सकाळी शपथ घेतली होती. ते राहून गेलं होतं. आता पुढे ५ वर्षे राहणार आहोत,’ असं अजित पवार म्हणाले.