Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
जर तर काहीच नाही…; एकनाथ शिंदेंच्या उपमुख्यमंत्री पदाबाबत उदय सामंत यांचं रोखठोख उत्तर
Uday Samant on Eknath Shinde as Deputy Chief Minister: शिवसेनेचे आमदार उदय सामंत यांनी पत्रकार परिषद घेतली आहे. त्यात ते म्हणाले की, ”राज्याचे उपमुख्यमंत्री म्हणून एकनाथ शिंदेच असतील, ही आमची भूमिका आहे आणि ते मान्य करतील, हा आमचा विश्वास आहे”, असं सामंत यावेळी म्हणाले आहेत.
हायलाइट्स:
- राज्याचे उपमुख्यमंत्री म्हणून एकनाथ शिंदेच असतील
- सरकारमध्ये आमचं नेतृत्व एकनाथ शिंदेंनीच करावं
- शिवसैनिकांची आणि त्यांच्यासोबत काम करणाऱ्या आमदार खासदारांची इच्छा
आताची सर्वात मोठी बातमी! ते पुन्हा आले, भाजपच्या गटनेतेपदी देवेंद्र फडणवीस यांची निवड
”एक मुख्यमंत्री आणि दोन उपमुख्यमंत्री हे निश्चित झालेलं आहे. त्याच्यामुळे शिवसेना म्हणून आमची भूमिका, आमचं मत आमच्या नेत्याकडे मांडण्याचा आमच्याकडे अधिकार आहे. मी खात्रीलायक सांगतो की, आम्ही जो आग्रह केला आहे तो महाराष्ट्राच्या हितासाठी केलेला आग्रह आहे. आम्हाला सगळ्यांना स्वत:हून असं वाटतं की, शिंदे हे राज्याच्या राजकारणात उपमुख्यमंत्री म्हणून असले पाहिजे, प्रशासनाबरोबर ते असले पाहिजे. त्यांनी निर्माण केलेल्या ज्या योजना आहेत. ज्याच्यामुळे सरकार येण्यामध्ये ताकद मिळाली आहे. अशा व्यक्तीने सरकारमध्ये राहिलचं पाहिजे, ही आम्हा सगळ्यांची भूमिका आहे”.
”मुख्यमंत्री आणि दोन्ही उपमुख्यमंत्री शपथ घेतील. राज्यपालांना भेटण्याआधी तिन्ही नेते आज एकत्र चर्चेला बसतील. पंतप्रधान नरेंद्र मोदी आणि केंद्रीय गृहमंत्री अमित शहा यांच्याशी चर्चा करतील आणि त्यानंतर निर्णय घेतील”, असं म्हणत उदय सामंत यांनी विश्वास दर्शवला आहे की, एकनाथ शिंदे उपमुख्यमंत्री होतील.
लेखकाबद्दलप्रशांत पाटीलप्रशांत पाटील यांना डिजिटल पत्रकारिता क्षेत्रात ३ वर्षांचा अनुभव आहे. ते ‘महाराष्ट्र टाइम्स ऑनलाइन’मध्ये कंटेंट प्रोड्यूसर म्हणून कार्यरत आहेत. याआधी थोडक्यात, आधान न्यूज वेबपोर्टलमध्ये डेस्कवर काम केलंय. महाराष्ट्रातील घडामोडी बघतात…. आणखी वाचा