१०५व्या जयंतीनिमित्त, मातंग सेवा संघाच्या वतीने सारसबाग येथील अण्णाभाऊ साठे विशेष जनजागृती मोहिमेचे आयोजन

तेज पोलीस टाइम्स : परवेज शेख

Pune-अण्णाभाऊ साठे जयंतीनिमित्त सारसबाग येथे विशेष जनजागृती मोहिमेचे आयोजनसाहित्यरत्न लोकशाहीर अण्णाभाऊ साठे यांच्या १०५व्या जयंतीनिमित्त, मातंग सेवा संघाच्या वतीने सारसबाग येथील अण्णाभाऊ साठे यांच्या पुतळा परिसरात विशेष जनजागृती मोहिमेचे आयोजन करण्यात आले.या कार्यक्रमास महाराष्ट्र विधान परिषदेचे तालिका सभापती आणि आमदार मा. अमित गोरखे सरांची विशेष उपस्थिती लाभली. त्यांच्या प्रेरणादायी आणि मनोगतपूर्ण भाषणामुळे समाज बांधवांमध्ये नवचैतन्य निर्माण झाले. सरांचा सहज, विनम्र आणि मार्गदर्शक स्वभाव सर्व उपस्थितांच्या मनाला भावला.कार्यक्रमात आरोग्य तपासणी शिबिर, रक्तदान शिबिर, तसेच केंद्र सरकार, राज्य सरकार व पुणे महानगरपालिका अंतर्गत येणाऱ्या विविध शासकीय योजनांची माहिती देण्यात आली. नागरिकांना आपण कोणत्या योजनांना पात्र आहात यासंदर्भात माहिती पत्रके/फाईल वाटप करण्यात आले.या उपक्रमाचे आयोजन पैलवान श्री. अनिल बबन भिसे यांच्या पुढाकाराने करण्यात आले. समाजात जागृती व प्रबोधन निर्माण करणाऱ्या या उपक्रमाचे सर्वत्र कौतुक होत आहे.