चुंबन घेताना हटकल्याने २ तरुणींची वृद्ध महिलेला मारहाण; पुण्यातील घटना

पुणे : सिंहगड रस्ता परिसरातील एका व्यसनमुक्ती केंद्रात दोन तरुणींना चुंबन घेताना रोखल्याच्या रागातून त्यांनी इतर दोघींच्या साथीने ६४ वर्षीय केअर टेकर महिलेला बेदम मारहाण केल्याची धक्कादायक घटना पुण्यात (Shocking Incident in Pune) घडली आहे. मारहाणीत केअर टेकर महिलेचा दात तुटला आहे.

या प्रकरणी सिंहगड रोड पोलिस ठाण्यात चार तरुणींवर गुन्हा दाखल करण्यात आला आहे. याबाबत ६४ वर्षीय महिलेने तक्रार दिली आहे. ही घटना चार महिन्यांपूर्वी घडली असून, फिर्यादीने उपचारानंतर तक्रार दिली आहे.

पावसात आणि वीज चमकताना फोटो काढणे बेतू शकते जीवावर, हे आहे कारण

पोलिसांनी दिलेल्या माहितीनुसार, ज्येष्ठ महिला पुण्यातील सिंहगड रोड परिसरातील एका व्यसनमुक्ती केंद्राच्या केअर टेकर आहेत. फेब्रुवारी महिन्यात एके दिवशी व्यसनमुक्ती केंद्रात दोन तरुणी एकमेकांचे चुंबन घेत होत्या. त्यावेळी फिर्यादी त्या ठिकाणी आल्या. त्यांनी या तरुणींना चुंबन घेण्यापासून रोखले. तसेच, व्यवस्थापनाकडे तक्रार केली.

केअर टेकर महिलेल्या कृतीमुळे चिडलेल्या तरुणींनी इतर दोन तरुणींच्या मदतीने त्यांना बेदम मारहाण केली. आरोपींनी मारहाण करुन त्यांचा दात तोडला. फिर्यादी उपचारासाठी मुंबईला गेल्या. उपचार केल्यानंतर त्या पुण्यात परतल्यानंतर त्यांनी तक्रार दिली.