पाठलाग करुन, रस्ता अडवून मैत्रीची जबरदस्ती; अल्पवयीन पोराच्या कृत्याने तरुणीचं टोकाचं पाऊल

पुणे: केंद्रीय महाविद्यालयात एकत्र १२ व्या वर्गात शिक्षण घेणाऱ्या मुलाकडून वारंवार छेडछाडीच्या तत्रासाला कंटाळून एका १७ वर्षीय विद्यार्थिनीने ऑक्टोबर महिन्यात आत्महत्या केली होती. याप्रकरणी पोलिसांनी आत्महत्येचं कारण शोधत दोन महिन्यानंतर एका १७ वर्षीय अल्पवयीन मुलाला अटक केली आहे. त्याच्यावर आत्महत्येस प्रवृत्त केल्याप्रकरणी गुन्हा दाखल करण्यात आला आहे.

याबाबत या मुलीच्या वडिलांनी विमानतळ पोलीस ठाण्यात तक्रार दिली आहे. ही घटना पुण्यात १२ ऑक्टोबर रोजी घडली होती. याप्रकरणी विमानतळ पोलिसांनी दोन महिने केलेल्या तपासातून ही घटना उघडकीस आली असून मुंढवा येथील एका १७ वर्षाच्या मुलावर आत्महत्येस कारणीभूत ठरल्याबद्दल गुन्हा दाखल करण्यात आला आहे.

हेही वाचा -Mumbai-Pune Expressway Accident: ताबा सुटला, कारची कठड्याला जोरदार धडक; मुलांच्या डोळ्यादेखत वडिलांचा मृत्यू

पोलिसांनी दिलेल्या माहितीनुसार, ही मुलगी पुण्यातील केंद्रीय विद्यालयात १२ वीमध्ये शिकत होती. शाळेतून घरी ये-जा करत असताना एक १७ वर्षांच्या अल्पवयीन मुलगा तिचा जुलैपासून पाठलाग करत होता. हा मुलगा तिला वाटेत अडवून मैत्री करण्याची जबरदस्ती करून तिला त्रास देत असे.

याच त्रासाला कंटाळून मुलीने १२ ऑक्टोबर रोजी आपल्या राहत्या घरी ओढणीच्या सहाय्याने गळफास घेऊन आत्महत्या केली होती. सकाळी ठरलेल्यावेळेपर्यंत ती दरवाजा उघडून बाहेर का आली नाही, म्हणून घरच्यांना संशय आला. त्यांनी पाहिले तर दरवाजा आतून बंद होता. त्यानंतर दरवाजा तोडून पाहिले तर ती गळफास घेतलेल्या अवस्थेत दिसून आली होती.

हेही वाचा -हडपसरमध्ये खाजगी ट्रॅव्हल्स आणि पीएमटीची समोरासमोर धडक, गाड्यांची स्थिती पाहून धडकी भरेल…

याप्रकरणी विमानतळ पोलिसांनी अकस्मात मृत्यूचू नोंद करुन तपासाला सुरुवात केली. पोलिसांनी केंद्रीय विद्यालयातील शिक्षक, आत्महत्ये केलेल्या मुलीच्या मैत्रिणी, नातेवाईक यांच्याकडे तपास केला. त्यात मुंढवा येथील एक १७ वर्षीय अल्पवयीन मुलगा तिचा पाठलाग करुन तिला मैत्री करण्यासाठी त्रास देत होता, असे निष्पन्न झाले. त्यावरुन तपास करत पोलिसांनी या मुलाला ताब्यात घेतलं. पोलिसांनी अल्पवयीन मुलावर आत्महत्येस कारणीभूत ठरल्याच्या कारणावरुन गुन्हा दाखल केला असून सहाय्यक पोलीस निरीक्षक पाठक या प्रकरणाचा अधिक तपास करीत आहेत.

हेही वाचा -४८ तासात एकाच महिलेचं दोनदा लग्न, पहिलं भाच्याशी मग पतीसोबत, ही प्रेम कहाणी तुमचं डोकं फिरवेल

मुंबई-पुणे एक्स्प्रेस वेवर भीषण अपघात

आज पहाटेच्या सुमारास मुंबई-पुणे एक्स्प्रेस वेवर कार चालकाचे नियंत्रण सुटल्याने कार कठड्याला जाऊन धडकली. या भीषण अपघातात चालक पतीचा जागीच मृत्यू झाला आहे. तर पत्नी आणि दोन मुले हे किरकोळ जखमी झाली आहेत. दुर्दैव म्हणजे पत्नीने आपल्या नवऱ्याचा आणि मुलांनी आपल्या वडिलांचा मृत्यू डोळ्यादेखत पाहिला. या घटनेने पत्नीला जबर मानसिक धक्का बसला असून मुलांचा देखील आधार गेला आहे. या घटनेने सर्वत्र हळहळ व्यक्त होत आहे. खोपोली पोलीस स्टेशन हद्दीत ही घटना घडल्याची माहिती आहे.