Tej Police Times
म. टा. वृत्तसेवा, नवी मुंबईः थंडीचा हंगाम सुरू झाल्याने भाजीपाल्याला पोषक वातावरण निर्माण झाले आहे. त्यानुसार आता सर्वच ठिकाणी भाजीपाल्याचे चांगले उत्पादन व्हायला सुरुवात झाली आहे. परिणामी घाऊक बाजारात भाजीपाल्याची आवक वाढायला सुरुवात झाली आहे. परराज्यांतूनही भाजीपाल्याची मोठ्या प्रमाणात आवक होत आहे. त्यामुळे भाजीपाल्याचे भाव घसरले आहेत. घाऊक बाजारात सर्वसाधारण भाज्या ३० ते ४० रुपये किलोच्या घरात आल्या आहेत; तर कोबी, फ्लॉवर, टोमॅटो, भोपळा या भाज्या ७ ते ८ रु. किलो दराने विकल्या जात आहेत.
आहे. घाऊक बाजारात कोबी, फ्लॉवर, भोपळा आणि टोमॅटोचा भाव ७ ते ८ रु. किलो झाला आहे. फ्लॉवर, कोबीच्या दररोज २४ ते २५, भोपळ्याच्या १० ते १५ गाड्या येत आहेत. टोमॅटोच्या ४५ ते ५० गाड्यांची आवक दररोज आहे. मटारच्या तर ७० ते ८० गाड्या येत आहेत. त्यामुळे घाऊक बाजारात त्यांचा भाव २० रु. किलो झाला आहे. आणखी काही दिवस अशीच परिस्थिती राहणार असल्याने भाव खालीच राहणार असल्याचे व्यापारी सांगत आहेत.