Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
नुकतेच सिंहगड विधी महाविद्यालय परिसरात कोयता घेऊन दहशत माजविणाऱ्या दोघांना पोलीसी खाक्या दाखवत धडा शिकवला होता. त्यानंतर आता पुणे पोलिसांनी या कोयता गॅंगचा कायमचा बंदोबस्त करण्याचा चंग बांधला आहे. पुण्यातील सिंहगड कॅम्पस येथे दहशत मजवणाऱ्या दोन जणांना अटक करून त्यांची वरात काढलेली घटना ताजी असताना पुण्यातील नाना पेठ येथे कोयते घेऊन दहशत मजवणाऱ्या ५ जणांचे समर्थ पोलिसांनी मुसक्या आवळल्या आहेत.
जे पी नड्डांकडून भाषणात बाळासाहेब ठाकरेंचा बाळासाहेब देवरस असा उल्लेख
या प्रकरणी गगन अमरीकसिंग मिशन (वय १९, रा. नानापेठ), अमन युसुफ खान (वय २२, रा. नाना पेठ, पुणे), अरसलन तांबोळी (वय-२७, रा. रविवार पेठ, पुणे), मंगेश कलास चव्हाण (वय- २४, रा. रविवार पेठ, पुणे) आणि गणेश प्रकाश पवार (वय-२७, रा. रविवार पेठ, पुणे) यांना अटक केली असून कुणाल राउळ (रा. नानापेठ), स्वप्नील शिंदे, सुजल टापरे, मयुर थोरात आदी असे इतर आरोपी आहेत. त्यांचा शोध घेऊन तात्काळ अटक करण्यासाठी पोलिसांचे एक पथक रवाना झाले आहे.
१ जानेवारी २०२३च्या पहाटे काही लोकांची आपापसात भांडणे झाली होती. त्या भांडणाचा राग मनात धरून काही सराईत गुन्हेगार यांनी हातात कोयते घेऊन नवावाडा भागात दहशत निर्माण केली होती. या प्रकरणी पोलिसांनी तात्काळ दखल घेत आरोपींना अटक केली आहे. या आरोपीच्या दहशतीमुळे नागरिकांनी न घाबरता पोलिसांना माहिती द्यावी. त्यावर पुणे पोलीस कोणत्याही गुन्हेगारांची गय न करता नक्कीच कठोर कारवाई करण्यात येईल, असे आवाहन समर्थ पोलीस स्टेशनचे वरिष्ठ पोलीस निरीक्षक रमेश साठे यांनी केलं आहे.
पहिल्या टी-२० सामन्यात होणार मोठा विक्रम; भारतीय फिरकीपटू इतिहास घडवणार