Tej Police Times
कल्याण : रेल्वेला हिरवा सिग्नल देत रेल्वे मार्गस्थ करण्यासाठी नेमलेला गेटमन फाटक उघडे ठेवून झोपल्याची घटना मंगळवारी रात्री २च्या सुमारास डोंबिवली मोठागाव रेल्वे फाटकात घडली. याचा व्हिडीओ सोशल मीडियावर व्हायरल झाला असून, या घटनेची चौकशी केली जाणार असल्याचे रेल्वे प्रशासनाने म्हटले आहे.
जगभरात करोना पुन्हा धुमाकूळ घालत असताना महाराष्ट्रासाठी दिलासादायक बातमी; महत्त्वाची आकडेवारी समोर
दरम्यान, खुल्या गेटसह सिग्नलवर गाडी थांबल्याचा आणि नागरिक गेटमनच्या केबिनचा दरवाजा ठोकावतानाचा व्हिडीओ रेल्वे प्रशासनाला ट्वीट करत नागरिकांच्या जीवाशी खेळणाऱ्या या कर्मचाऱ्यावर तत्काळ कारवाईची मागणी करण्यात आली आहे.
गेट खुले असल्याने लाल सिग्नलमुळे गाडी थांबली होती. उघड्या गेटवर अपघाताची शक्यता नव्हती; मात्र कारण नसताना गाडी सिग्नलवर थांबवून ठेवणे योग्य नाही. व्हिडीओमध्ये दिसत असल्याप्रमाणे गेटमन खरोखरच ड्युटीवर झोपला होता का, हा व्हिडीओ नक्की कधीचा आहे, याबाबतची चौकशी सुरू आहे. यात तो दोषी आढळल्यास कारवाई केली जाईल.
– प्रवीण पाटील, जनसंपर्क अधिकारी