Tej Police Times
याबाबत पोलिसांनी दिलेली माहिती अशी की, मंचर शहरातील छत्रपती संभाजी महाराज चौकात एका नवजात स्त्री जातीचे अर्भक पिशवीत घालून कचऱ्याच्या ढिगाऱ्यात फेकून दिल्याचे निदर्शनास आले. त्यामुळे या परिसरात एकच खळबळ उडाली होती. या अर्भकाला घेऊन काही स्थानिक तरुणांनी तिला ग्रामीण रूग्णालयात दाखल केलं आहे. याबाबत मंचर पोलीसांना माहिती दिली आहे.
वाचाः शेजाऱ्यांच्या मुलीला खेळवण्यासाठी गेली, पण ८ वर्षांच्या चिमुरडीवरच ओढावला भयंकर प्रसंग
नवजात बाळाला तात्काळ उपचार मिळाल्याने चिमुकलीची तब्येत आता स्थिर असून तिच्यावर ग्रामीण रुग्णालयात उपचार सुरू करण्यात आले आहेत. नवजात अर्भकास पिशवीत घालून कचऱ्याच्या ठिकाणी टाकल्यामुळं आरोपीचा शोध घेण्याचे मंचर पोलीसांसमोर एक मोठे आव्हान होते. यानंतर पोलिसांनी शहरातील सर्व सीसीटीव्ही तपासले व पोलिसांनी सीसीटीव्हीच्या आधारे दोन महिलांना ताब्यात घेतले आहे. या महिलेची कसून चौकशी करण्यात आली. तेव्हा त्यातील एका महिलेने गुन्हा कबूल केला आहे. त्यानंतर पोलिसांनी तिला ताब्यात घेतले.
या महिलेला पहिल्या तीन मुली आहेत. वंशाला दिवा हवा म्हणून या कुटुंबाने अजुन एका अपत्याला जन्म दिला. पण पुन्हा मुलगीच झाल्याने या जन्मदात्या आईने या नवजात मुलीला कचरा कुंडीत सोडून दिले. शेवटी नशीब बलवत्तर आणि स्थानिकांना या मुलीच्या रडण्याचा आवाज आला आणि पुन्हा या मुलीला जीवदान मिळाले.
वाचाः एका क्षणात सगळंच हिरावलं, अपघातात आई-वडील गेले, तीन मुली, चिमुकला झाले अनाथ
या घटनेने मंचर शहरात एकच खळबळ उडाली होती. मात्र पोलिसांनी आव्हान स्विकारत त्या चिमुकलीच्या आईला अवघ्या काही तासात शोधून काढले. यामुळे पोलिसांचे कौतुक करण्यात येत आहे.
वाचाः २२ वर्षांच्या तरुणीने घरातच विष घेतलं, नंतर स्वतःच रुग्णालयात झाली दाखल