Tej Police Times
याबाबत मिळालेली अधिक माहिती अशी की, मुंबई आग्रा महामार्गावर (एम एच 15 सीके 68 44 ) मुंबईच्या दिशेने भरधाव वेगात जाणाऱ्या आयशर ट्रकने रस्त्याने जात असलेल्या बैलगाडी आणि बाईकला धडक दिली. यात इगतपुरी तालुक्यातील बोरटेंभे येथील तिघे युवकांचा दुर्दैवी मृत्यू झाला आहे. तर एक किरकोळ जखमी झाला आहे.
जखमी तरुणाला नागरिकांनी इगतपुरी ग्रामीण रुग्णालयात उपचारकरिता दाखल करण्यात आले आहे. प्रभाकर सुधाकर आडोळे (वय २५ वर्ष), कुशल सुधाकर आडॊळे (वय २२ वर्ष), रोहित भगीरथ आडोळे (वय १९ वर्ष) अशी मयत युवकांची नावे आहेत.
काल रात्रीच्या सुमारास ही घटना घडली असून अपघातग्रस्त आयशर ट्रकचा चालक फरार झाला आहे. तर पोलिसांनी पुढील कारवाई करिता आयशर ट्रक ताब्यात घेऊन तपासात सुरुवात केल्याची माहिती मिळाली आहे. या अपघाताची माहिती मयतांच्या नातेवाईकांना व ग्रामस्थांना मिळतात त्यांनी इगतपुरी ग्रामीण रुग्णालयात गर्दी केली होती.
हेही वाचा : आई मला माफ कर, तुला चांगले दिवस दाखवायची इच्छा होती, CA ची तयारी करणाऱ्या तरुणाचं टोकाचं पाऊल
दरम्यान, इगतपुरी तालुक्यातील बोरटेंभे येथील तीन तरुणांचा मृत्यू झाल्याने सर्वत्र हळहळ व्यक्त करण्यात येत असून त्यांच्या कुटुंबावर दुःखाचा मोठा डोंगर कोसळला आहे. या अपघाताच्या घटनेमुळे संपूर्ण इगतपुरी तालुक्यावर शोककळा पसरली आहे. या घटनेने ग्रामस्थांमध्ये संतापाची लाट पसरली आहे.
हेही वाचा : पुण्यात उच्चपदस्थ महिलेचा पाठलाग करुन फोटोग्राफी, अटक झालेले तरुण निघाले…