अकोला हादरलं! तो १३ वर्षीय अल्पवयीन मुलीला म्हणाला, चल तुला सोडतो.. पुढे घडले ते धक्कदायक

सूत्रांनी दिलेल्या माहितीनुसार, अकोला शहरातील मोठी उमरी भागात राहणारी एक १३ वर्षीय अल्पवयीन मुलगी तिच्या मैत्रिणीबरोबर रस्त्याने घरी जात असताना तिच्याच ओळखीतील एक २६ वर्षीय तरुण तिथे आला, अन् म्हणाला, “चल तुला घरी सोडून देतो.”, असं म्हणून तिला उमरीतील स्मशानभूमीच्या बॅक साईडला घेऊन गेला. अन् तिच्यावर जबरी संभोग केलाय. हा प्रकार गेल्या दहा दिवसांपूर्वी म्हणजेच १५ जानेवारीच्या रात्री घडला होता.

क्लिक करा आणि वाचा- धीरेंद्र शास्त्रींनी माफी मागण्याआधीच देहूच्या विश्वस्तांनी केले माफ; वारकऱ्यांनाही केले प्रतिक्रिया न देण्याचे आवाहन

या प्रकारानंतर आरोपी तरुणाने अल्पवयीन मुलीला जीवे मारण्याची धमकी दिली. तसेच या प्रकरणाची कुठे वाच्यता केल्यास तुझ्या घरच्यांनाही ठार मारून टाकेन, असे तो म्हणाला. त्यामुळे अल्पवयीन मुलीने भीतीपोटी हा प्रकार कुठे सांगितला नाही. दरम्यान काही दिवसानंतर मुलीच्या अंगावर तसेच पाठीवर जखमा दिसून आल्या. यासंदर्भात तिच्या आजीने तिला विचारना केली अन् तिने तिच्यासोबत घडलेला सर्व प्रकार कुटुंबीयांना सांगितला.

क्लिक करा आणि वाचा-हवेत उडत घेतला झेल, अचूक थ्रो करत केले धावबाद…; भारत अंडर-१९ वर्ल्ड चॅम्पियन बनण्यामागचं खरं कारण जाणून घ्या

त्यानंतर लागलीच कुटुंबीयांनी सिव्हिल लाइन पोलीस ठाण्यात धाव घेतली. मुलीवर घडलेल्या प्रकाराबाबत तक्रार नोंदवली. पोलिसांनी घटनेचे गांभीर्य पाहता आरोपी २६ वर्षीय तरुणाला बेड्या ठोकल्या. आरोपीविरुद्ध ३७६, ३५४ सह बाल संरक्षण कायद्याअंतर्गत गुन्हे दाखल करण्यात आले. या प्रकरणाचा अधिक तपास सहायक पोलीस निरीक्षक तथा सिव्हिल लाइन पोलीस स्टेशनचे ठाणेदार पंकज कांबळे करीत आहेत. तसेच अटक केलेल्या तरुणाला न्यायालयात हजर करण्यात येणार असून पोलीस न्यायालयात त्याच्या कोठडीची मागणी करणार आहेत. दरम्यान अटकेत असलेला आरोपी हा विवाहित असून आकाश रामचवरे असे त्याचे नाव आहे.

क्लिक करा आणि वाचा- Gautam Adani : आशियातील सर्वात श्रीमंत उद्योगपतीभोवती घोंघोवते आहे अडचणींचे वादळ, वाचा अदानींबाबत A to Z