Tej Police Times
गोविंद याला दारूचे व्यसन असून, तो मिळेल ते काम करायचा. त्याच्या वडिलाचे निधन झाले असून, गोविंदचा मोठा भाऊ पत्नी व मुलासह कळमना भागात राहतो. गेल्या काही दिवसांपासून त्याला काम मिळत नव्हते. तो विमलाबाई यांना दारूपिण्यासाठी पैसे मागायचा. त्याची आई पैसे देण्यास नकार द्यायची. त्यामुळे तो विमलाबाई यांना मारहाण करायचा.
रविवारी सकाळी १० वाजताच्या सुमारास त्याने विमलाबाई यांना दारूसाठी पैसे मागितले. मी कसाबसा दोघांचा उदरनिर्वाह करते. माझ्याकडे पैसे नाहीत, असे विमलाबाई त्याला म्हणाल्या. त्याने विमलाबाई यांच्यासोबत वाद घातला. गोविंदने विळ्याने विमलाबाई यांचा गळा चिरला. त्यांचा मृत्यू झाला. पोलिसांनी खुनाचा गुन्हा दाखल करून गोविंदला अटक केली.
पोलिसांसमोर आत्मसमर्पण केल्याने उघडकीस आली घटना
विमलाबाई यांचे सात खोल्याचे प्रशस्त घर आहे. विमलाबाई यांची हत्या केल्यानंतर गोविंद हा घराला कुलूप लावून बाहेर गेला. तो यशोधरानगर परिसरात फिरला. सायंकाळी त्याला पश्चाताप झाला. त्यानंतर तो थेट यशोधरानगर पोलिस स्टेशनमध्ये पोहोचला. मी माझ्या आईचा खून केला आहे, तिचा मृतदेह घरात आहे, असे त्याने यशोधरानगर पोलिसांना सांगितले. पोलिसांमध्ये खळबळ उडाली. पोलिस त्याला घेऊन वनदेवीनगरमध्ये गेले. पंचनामा करून विमलाबाई यांचा मृतदेह मेयो हॉस्पिटलकडे रवाना केला.