पहाटे डोळा लागला, ड्रायव्हरचं नियंत्रण सुटलं, इनोव्हाचा भीषण अपघात, २ महिला जागीच ठार

आज पहाटे साडेपाच वाजण्याच्या सुमारास चालकाचे गाडीवरील नियंत्रण सुटून कार रस्त्यालगत असणाऱ्या कठड्याला धडकली. गाडीचा वेग एवढा भरधाव होता की गाडीच्या समोरील भागाचा चक्काचूर झालाय. या अपघातात पुण्यातील सराफ व्यावसायिक कुटुंबातील दोन महिलांचा मृत्यू झाला आहे. उर्वरित सहा जखमींवर रुग्णालयात उपचार सुरु आहेत.

या घटनेची माहिती मिळताच भुईंज पोलीसानी घटनास्थळावरून तात्काळ जखमींना शिरवळ येथील खाजगी रुग्णालयात उपचारासाठी दाखल केले आहे. अपघाताची नोंद भुईंज पोलीस ठाण्यात झाली आहे.