Tej Police Times
शेतात बोअरवेल खोदायला घेतली, पाण्याच्या दाबाने मशीन अन् पाईप आकाशात उंच उडाले
राळेगण म्हसोबा गावात अनिल कोतकर यांची शेती आहे. त्यांच्या वडिलांना सुमारे २५ वर्षांपूर्वी शेतात बोअरवेल खोदली होती. मात्र, काही काळापूर्वी त्यामध्ये मोटार फसल्याने वापर करता येत नव्हता. दुरूस्तीसाठी यंत्रणा आणून पाहिली, मात्र उपयोग झाला नाही. त्यामुळे त्यांनी नवीन बोअरवेल खोदण्याचे ठरविले. नव्या बोअरवेलला १८० फुटावरच पाणी लागले.
मात्र, काम अंतिम टप्प्यात असताना नव्या बोअरवेलमधील पाणी आणि हवेच्या दाबामुळे जुन्या बोअरवेलमधील मोटार पाइपसह बाहेर फेकली गेली. उंच आकाशात मोटार फेकली जात असल्याचे दृष्य कॅमेऱ्यात कैद झाले. कोतकर यांचे चुलत भाऊ गणेश कोतकर नवीन बोअरवेल खोदतानाचा व्हिडिओ करत होते. तेवढ्या जुन्या बोअरवेलमधून मोटार फेकली जात असल्याचे पाहून लोकांनी आरडाओरडा केला. ते दृष्यही कोतकर यांच्या मोबाईलच्या कॅमेऱ्यात कैद झाले आहे. हवा आणि पाण्याच्या दाबाने घडलेल्या या घटनेचा व्हिडिओ सोशल मीडियावर सध्या तुफान व्हायरल होत आहे.