अखेरचा मुलीचा चेहरा बघून घे, पतीला मेसेज; साडेतीन वर्षाच्या लेकीला कडेवर घेतलं अन् पत्नीने… नागपूर हादरलं

नागपूर: ‘तुला उद्या गूड न्यूज मि‌ळेल, शेवटी एकदा मुलीचा चेहरा बघायचा असेल तर सांग,’ असा मेसेज पतीला पाठवून एका महिलेने साडे तीन वर्षांच्या लेकीसह नागपुरातील अंबाझरी तलावात आत्महत्या केली. ही घटना अंबाझरी पोलीस ठाण्याच्या हद्दीतील अंबाझरी तलाव परिसरात सोमवारी रात्री दहाच्या सुमारास उघडकीस आली. कल्पना रवी खंडागळे (३५, रा. एमआयडीसी इसासनी) आणि तिची मुलगी खुशी रवी खंडागळे (वय, ३ वर्षे रा, दोघी. एमआयडीसी इसासनी) अशी मृतांची नावे आहेत. कल्पना नागपुरातच राहते तर तिचा पती रवी मध्य प्रदेशात राहत असल्याचे कळते.

गेल्या काही काळापासून पती पत्नींमध्ये तणाव असल्याने दोघे वेगळे राहत होते. पोलिसांकडून मिळालेल्या माहितीनुसार, सोमवारी रात्री साडेनऊ वाजता कल्पना ही मुलीला घेऊन अंबाझरी तलावावर आली. ती काही काळ तलावाच्या काठावर बसली होती. यावेळी तिने मुलीला चिप्स, पोहे आणि समोसा खाऊ घातले.

हेही वाचा-वर्गात शिकवतानाच मास्तरांची एक्झिट! हार्ट अटॅक येऊन खाली कोसळले, विद्यार्थी हमसून हमसून रडले

याच काळात तिने पतीला मेसेज केला की, ‘तुला उद्या गूड न्यूज मि‌ळेल, शेवटी एकदा मुलीचा चेहरा बघायचा असेल तर सांग’ असे लिहून कळवले. त्यानंतर तिने मुलीला कडेवर घेऊन पाण्यात उडी घेतली. यावेळी तलावाच्या भींतीवर एक युवक उभा होता. त्याला हा प्रकार दिसला. त्याने ही माहिती आसपासच्या नागरिकांना दिली.

हेही वाचा-आईला माहेरी पाठवलं, पोरीचा जीव घेतला, सकाळी अंत्यविधी; शुभांगीसोबत त्या रात्री नेमकं काय घडलं?

या घटनेची माहिती मिळताच अंबाझरीचे ठाणेदार गजानन कल्याणकर यांनी सहायक निरीक्षक संतोष बोयणे यांच्यासह ताफा घटनास्थळी पाठविला. दोघींना वाचविण्याचा प्रयत्न व्यर्थ ठरला. कल्पनाने घटनास्थळावर एक सोडली होती. यात चिठ्ठीत आई, पती, आणि भावाचा मोबाईल क्रमांक लिहून ठेवला होता. अग्निशमन दलाने आज मंगळवारी पहाटे मायलेकींचा मृतदेह ताब्यात घेतला.

हेही वाचा-क्राईम पेट्रोल पाहून सुचली आयडिया; जैन मंदिरातून चोरली १६ तोळ्याची सोन्याची प्लेट…