बीडमध्ये अल्पवयीन मुलीवर परप्रांतीय तरुणाचा अत्याचाराचा प्रयत्न; आईची पोलिसात धाव, आरोपीला तात्काळ अटक

बीड : बीड शहराजवळील एका गावात एका अल्पवयीन मुलीवर एका परप्रांतीय तरुणाने अतिप्रसंग करण्याचा प्रयत्न केला. पण त्याचा हा प्रयत्न फसला. या घटनेची माहिती तात्काळ पोलिसांना देण्यात आली. या परप्रांतीय आरोपीला बीडच्या पिंक पथक पोलीस पथकाने तात्काळ बेड्या ठोकल्या आहेत.

अनुप कुमार नंदूप्रसाद (वय २३) असे आरोपीचे नाव आहे. तो बिहारमधील नरकापूर इथला राहणारा आहे. बीड शहरापासून जवळच असलेल्या एका गावात मोठी फॅक्टरी आहे. या ठिकाणी मोठ्या प्रमाणात परप्रांतीय मजूर काम करतात. याच ठिकाणी थोड्या अंतरावर एक वस्ती आहे. आणि ही वस्ती जवळ असल्याने या ठिकाणी मजूर त्या वस्तीवर जात येत राहतात. आणि त्याच वस्तीतल्या एका मुलीवर अत्याचार करण्याचा प्रयत्न आरोपीने केला. पीडित मुलीची सावत्र आई ही मद्यविक्री करते. आणि अनेक परप्रांतीय मजूर मद्यपान करण्यासाठी त्या वस्तीवर नेहमी जातात.

परप्रांतीय आरोपी तरुणाने त्याच महिलेच्या मुलीला लघुशंकेला एकटच जाताना पाहिलं. आणि तिचा पाठलाग केला. आजूबाजूला कोणी नसल्याचा फायदा घेत तिच्यावर जबरदस्ती करण्याचा त्याने प्रयत्न केला. मात्र मुलीने मोठ्याने आरडाओरडा केला. आणि त्याच्या तावडीतून निसटून आपलं घर गाठलं. पीडित मुलीने घडलेला सगळा प्रसंग आपल्या आईला सांगितला. आईने तात्काळ पोलीस ठाण्यात धाव घेतली. बीड ग्रामीण पोलीस ठाण्यात मुलीवर घडलेला प्रसंग सांगून आपली कैफियत मांडली. यानंतर लगेचच पोलीस प्रशासनाने आपली सूत्र हलवली.

बायको हरवल्याची तक्रार घेऊन गेला अन् अडकला; पोलिसांनी पतीलाच ठोकल्या बेड्या

पोलिसांनी पीडित मुलीच्या आईच्या तक्रारीवरून विनयभंग व बाल लैंगिक अत्याचार कायद्याअंतर्गत आरोपीवर गुन्हा दाखल केला आहे. हे प्रकरण पिंक मोबाइल पथकाकडे सोपवण्यात आलं. यामध्ये या पथकाने कारवाई करत तात्काळ आरोपीला बेड्या ठोकल्या आहेत. पोलीस पुढील कारवाई करत आहेत. मात्र अल्पवयीन मुलींवरील अत्याचार घटना दिवसेंदिवस वाढत चालल्या आहेत. यामुळे या प्रकरणात आरोपीला कठोरातील कठोर शिक्षा करण्यात यावी, अशी मागणी करण्यात आली आहे.

ती तुरुंगवास भोगून बाहेर आली, लोकांनी घेतला धसका, गाठले पोलीस ठाणे…; कोण आहे