फेब्रुवारी ठरेल स्मार्टफोन मार्केटसाठी खास, एंट्री करतील हे फोन्स, पाहा लिस्ट

By tejpolicetimes On Feb 4, 2023

Upcoming Smartphones February 2023 : आजकाल दर आठवड्यात नवीन स्मार्टफोन मार्केटमध्ये एंट्री करतो असे म्हटले तर ते चुकीचे ठरणार नाही. नवीन वर्षातील दुसरा महिना सुरु झाला असून या महिन्यातही अनेक स्मार्टफोन लाँच होणार आहेत. या लाइनअपमध्ये Samsung, OnePlus, Xiaomi यासह अनेक ब्रँडचा समावेश आहे. या महिन्यात मोबाईल वर्ल्ड काँग्रेस (MWC २०२३ ) देखील आहे. याचा अर्थ स्मार्टफोन मार्केटसाठी येणारे काही दिवस खुप महत्वाचे असणार आहे. अशात तुम्ही जर नवीन स्मार्टफोन खरेदी करण्याचा विचार करत असाल तर, काही दिवस थांबू शकता. आणि या महिन्यात लाँच होणाऱ्या स्मार्टफोन्सची प्रतीक्षा करू शकता. जाणून घेऊया फेब्रुवारी २०२३ मध्ये भारतात कोणते स्मार्टफोन्स लाँच होणार आहे ? या फोन्समध्ये युजर्सना कोणते फीचर्स मिळतील आणि त्यांच्या संभाव्य किमती किती असतील त्याबद्दल सविस्तर.

Xiaomi 13

Xiaomi 13 सीरिज: Xiaomi देखील या महिन्यात आपला नवीन फ्लॅगशिप आणणार आहे. नवीन Xiaomi 13 आणि 13 Pro सादर केले जातील. हे फोन जागतिक बाजारपेठेसाठी MWC 2023 मध्ये सादर केले जाऊ शकतात. Xiaomi हे फोन भारतीय बाजारासाठीही आणणार आहे. हे फोन भारतातील पहिले Leica पॉवर चालणारे स्मार्टफोन असतील. Xiaomi 13 SERIES मध्ये स्नॅपड्रॅगन 8 जनरेशन 2 चिपसेट दिला जाईल, ज्यामध्ये मुख्य फोकस कॅमेरा असेल.

iQOO Neo 7 5G: iQOO त्याच्या उत्पादन लाइनअपमध्ये एक नवीन Neo 7 5G स्मार्टफोन आणणार आहे. डिव्हाइस १७ फेब्रुवारी रोजी लाँच करण्यात येईल आणि त्याचे सर्वात मोठे आकर्षण १२० W चार्जिंग गती असेल.

Samsung Galaxy S23

Samsung Galaxy S23 सीरिज: सॅमसंगने १ फेब्रुवारी रोजी भारतीय बाजारात त्यांचे नवीन स्मार्टफोन Galaxy S23, Galaxy S23 Plus आणि S23 Ultra सादर केले आहेत. सॅमसंगच्या नवीन फोन्समध्ये स्नॅपड्रॅगन 8 जनरेशन 2 चिपसेट देण्यात आला आहे. सॅमसंगने यावर्षी एक नवीन २००MP सेन्सर सादर केला आहे. कंपनीने फ्लॅगशिप फोनमध्ये S-Pen सपोर्ट दिला असून त्यांना ४ प्रमुख सॉफ्टवेअर अपडेट्स मिळतील. नवीन Samsung Galaxy S23 सीरिजमध्ये मजबूत कामगिरीसाठी Qualcomm चा सर्वात शक्तिशाली Snapdragon 8 Gen 2 प्रोसेसर देण्यात आला आहे.

OnePlus 11 Series

OnePlus 11 Series: OnePlus देखील या महिन्यात आपला फ्लॅगशिप स्मार्टफोन आणत आहे. कंपनीने गेल्या महिन्यात चीनमध्ये OnePlus 11 मालिका सादर केली होती आणि आता हा फोन भारतीय वापरकर्त्यांसाठीही येणार आहे. कंपनीने हे देखील कन्फर्म केले आहे की, ते ७ फेब्रुवारी रोजी लाँच इव्हेंटमध्ये OnePlus 11R मॉडेल देखील लाँच करतील. फोनमध्ये क्वॉलकॉम स्नॅपड्रॅगन 8 Gen 2 प्रोसेसर दिले आहे.फोनमध्ये VC लिक्विड कूलिंग सिस्टम सुद्धा आहे. फोन अँड्रॉयड १३ बेस्ड Oxygen OS 13 वर रन करतो

Vivo X90

Vivo X90 सिरींज: विवो आपली नवीन लाइनअप फेब्रुवारीमध्येच आणत आहे. Vivo ची फ्लॅगशिप X90 मालिका या महिन्यात दिसणार आहे. X90, X90 Pro आणि X90 Pro Plus या लाइनअपमध्ये येऊ शकतात. Vivo आपल्या कॅमेरासाठी Zeiss Optics लेन्स वापरते. यामध्ये टॉप-एंड स्नॅपड्रॅगन 8 जनरेशन 2 चिपसेट दिला जाईल.

Realme 10 5g: Realme ने डिसेंबरमध्ये 10 Pro सीरीज लाँच केली आणि त्यानंतर Realme 10 4G प्रकार आला. आता भारतात Realme 10 5G मॉडेलची एंट्री होणार आहे.

Source link