शालीन भनोटची एक्स वाइफ दुसऱ्यांदा चढणार बोहल्यावर! लग्नानंतर अभिनेत्री सोडणार देश

अशी माहिती मिळते आहे की, लग्नानंतर दलजीत तिच्या मुलासह लंडनमध्ये वास्तव्यास जाणार आहे. तिने असे सांगितले की, ‘लग्न मार्च महिन्यात होणार असून मी अजून अनेक गोष्टी निश्चित करत आहे. मी काही वर्षांसाठी नायरोबीमध्ये (आफ्रिका) जाईन, कारण निखिलचे काम सध्या तिथे सुरू आहे. त्यानंतर आम्ही पुन्हा लंडनमध्ये परत येऊ. निखिल तिथेच जन्मला असून तिथेच तो लहानाचा मोठा झाला’.

हे वाचा-डाव उलटला! अखेर आदिल खान बोलला आणि गप्प झाली राखी, म्हणाली- आता सर्व ठीक

निखिलचेही दुसरे लग्न, आहेत दोन मुली

निखिलविषयी सांगताना दलजीतने असे म्हटले की त्यांची भेट गेल्यावर्षी दुबईत एका पार्टीमध्ये झालेली. तिने त्याला तिच्या मुलाविषयी सांगितले तर त्यानेही त्याच्या दोन मुलींविषयी सांगितले. दलजीतच्या ९ वर्षीय मुलाचे नाव जेडन असून निखिलच्या १३ वर्षीय मुलीचे नाव अरियान तर ८ वर्षाच्या मुलीचे नाव अनिका आहे.

असे सुरू झाले सिंगल पॅरेंट्समध्ये संभाषण

निखिल दलजीतला भेटला तेव्हा त्याच्या पायाला निळ्या रंगाची नेलपेंट लावलेली होती. याविषयी तिने विचारले असता निखिलने सांगितले की ही माझ्या दोन्ही मुलींची निशाणी आहे, मला त्यांचा खूप अभिमान आहे. यानंतर या दोन्ही सिंगल पॅरेट्सच्या गप्पा सुरू झाल्या आणि कालांतराने त्यांच्यातील जवळीक वाढली. दलजीत असे म्हणाली की मुलांवरील प्रेमामुळेच आम्ही जवळ आलो. निखिल-दलजीतच्या लग्नानंतर निखिलची मोठी मुलगी त्यांच्यासोबत राहणार असून धाकटी मुलगी तिच्या आईकडे युएसला राहणार आहे. दलजीतने ३ जानेवारी रोजी नेपाळमध्ये निखिलसोबत साखरपुडा केला.

हे वाचा-Video: शिव ठाकरेला करण जोहरने सुनावलं अन् काढलं बिग बॉसच्या घराबाहेर?

शालीनवर दलजीतने केलेले गंभीर आरोप

२००९ मध्ये दलजीतने सह-अभिनेता शालीनसोबत लग्न केले होते. दोघांना जेडन नावाचा मुलगाही आहे. दरम्यान दलजीतने शालीनवर घरगुती हिंसाचार, जीवे मारण्याचा प्रयत्न असे अनेक गंभीर आरोप केले होते. त्यानंतर २०१५ मध्ये दोघांचा घटस्फोट झाला. दलजीतचा मुलगा तिच्यासोबतच राहतो, पण तो शाहीनच्याही संपर्कात आहे.