विकी साकारणार छत्रपती संभाजी महाराज ,महाराणी येसूबाईसाहेबांच्या भूमिकेसाठी या अभिनेत्रीच्या नावाची चर्चा

मुंबई: अभिनेता विकी कौशल सध्या वैविध्यपूर्ण सिनेमांत काम करीत आहे. त्याच्या आगामी ‘अश्वत्थामा ः द इम्मॉर्टल’ या सिनेमाची चर्चा असतानाच आता तो ऐतिहासिक सिनेमात झळकणार असल्याची चर्चा आहे. छत्रपती संभाजी महाराजांवर हिंदीत भव्य सिनेमाची निर्मिती केली जात आहे. या सिनेमाचं दिग्दर्शन लक्ष्मण उतेकर करणार असल्याचं कळतंय.

यात विकी शंभू छत्रपतींची भूमिका साकारणार असल्याची चर्चा आहे. विशेष म्हणजे, विकीनं या चित्रपटासाठी तयारीही सुरू केली आहे. त्याला घोडेस्वारी आणि तलवारबाजीचं प्रशिक्षण घ्यावं लागेल.
फोटोतील मराठमोळ्या अभिनेत्याला ओळखलंत का? आजही खंडोबा म्हणून प्रेक्षक जोडतात हात

या चित्रपटाच्या चर्चा सुरू झाल्यानंतर आणखी एक चर्चा सुरू झाली म्हणजे विकी संभाजी महाराजांच्या भूमिकेत तर मग येसूबाईसाहेबांच्या कोण असणार? अभिनेत्री सारा अली खान ही महाराणी येसूबाईसाहेबांच्या भूमिकेत दिसणार आहे, असंही बोललं जातंय. अद्याप या चित्रपटाची अधिकृत घोषणा झालेली नाही.
वाह! छत्रपती संभाजी महाराजांची शौर्यगाथा मोठ्या पडद्यावर; विकी कौशल साकारणार मुख्य भूमिका
‘मिमी’ आणि ‘लुका छुपी’ नंतर उतेकर आता नव्या अध्यायाची सुरुवात करत आहेत. त्यांनी बॉलिवूडमध्ये आपलं वेगळं स्थान निर्माण केलं आहे. आता या चित्रपटाच्या रूपात त्यांनी मोठं शिवधनुष्य पेललं आहे. हा एक बिग बजेट चित्रपट असणार आह. त्यासाठी ते मागील ६ महिने या प्रोजेक्टवर काम करत आहेत. ते दिनेश विजन यांच्यासोबत मिळून या चित्रपटाची निर्मिती करणार आहेत. चित्रपटाचं नाव अजून गुलदस्त्यात असलं तरी प्रेक्षक या चित्रपटासाठी उत्सुक आहेत. छत्रपतींच्या छाव्याच्या आयुष्यावर आधारलेला चित्रपट पाहण्यासाठी प्रेक्षक आतुर झाले आहेत. लवकरच या चित्रपटाच्या नावाची घोषणा करण्यात येणार आहे.