हीच तुझी देशभक्ती का? अक्षय कुमारचा व्हिडिओ पाहून नेटकऱ्यांचा संताप

मुंबई: बॉलिवूडचा खिलाडी कुमार सोशल मीडियावर खूप सक्रिय आहे. सामाजिक विषयांवर सिनेमा करण्यापासून ते अनेक कामांना आर्थिक मदत करण्यात तो नेहमीच सक्रिय असतो. देशप्रेमी म्हणून खास ओळख असलेला अक्षय सध्या मात्रा सोशल मीडियावर प्रचंड ट्रोल होत आहे. याला कारण ठरलाय त्यानंच शेअर केलेला एक व्हिडिओ.

अक्षयनं त्याच्या सोशल मीडिया अकाऊंटवर एक व्हिडिओ शेअर केला आहे. हा व्हिडिओ पाहून नेटकरी मात्र भडकले आहेत. नेटकऱ्यांनी त्याची चांगलीच शाळा घेतली आहे.

काय आहे या व्हिडिओत?
अक्षयनं एक व्हिडिओ शेअर केलाय. या व्हिडिओत अक्षयसोबत मौनी रॉय, दिशा पटानी, सोनम बाजवा आणि नोरा फतेही दिसतायत. हे सगळे पृथ्वीगोल असतो त्यावर चालताता दिसतात. अक्षय आता उत्तर अमेरिकेच्या दौऱ्यावर जाणार आहे. त्या टूरचा हा प्रमोशनल व्हिडिओ आहे. ‘नॉर्थ अमेरिका टूर’साठी केलेल्या या प्रमोशनल व्हिडीओमध्ये अक्षय भारताच्या नकाशावर चालत आहे.

कोस्टल रोडला लतादीदींचं नाव द्या, मंगेशकर कुटुंबियांची राज्य सरकारकडं मागणी
अक्षयने शेअर केलेल्या या व्हिडीओमध्ये त्याच्यासह मौनी रॉय, दिशा पटानी, सोनम बाजवा व नोरा फतेही पृथ्वीवर चालताना दिसत आहे. ‘नॉर्थ अमेरिका टूर’साठी केलेल्या या प्रमोशन व्हिडिओमध्ये अक्षय भारताच्या नकाशावर चालतो. हा व्हिडिओ पाहून नेटकरी भडकले आहेत. नेटकऱ्यांनी कमेंट करत संताप व्यक्त केलाय.

अक्षयनं माफीमागावी
अक्षयचा हा व्हिडिओ पाहून त्यानं देशाचा अपमान केला असून माफी मागावी, अशी मागणी नेटकरी करत आहेत.

दरम्यान, अक्षय ट्रोल होण्याची ही काय पहिली वेळ नाही. यापूर्वीही अनेकदा त्याला ट्रोल करण्यात आलं आहे. पाम मसाल्याची जाहिरात केल्यामुळंही त्याला नेटकऱ्यांचा सामना करावा लागला होता. तर छत्रपती शिवाजी महाराज यांच्या भूमिकेसाठी अक्षय नको, असंही प्रेक्षकांनी म्हटलं होतं .

९० कोटी रुपये मानधन?
‘हेरा फेरी ३’साठी अक्षयनं तब्बल ९० कोटी रुपये इतकं मानधन मागितलं होतं, पण निर्मात्यांना हे मानधन पटलं नाही, त्यामुळं त्यानं हा चित्रपट करण्यास साफ नकार दिला असं म्हटलं जात आहे. त्यामुळंच ‘हेरा फेरी ३’चे निर्माते फिरोज नाडियाडवाला अक्षयवर प्रचंड नाराज आहेत, अशी चर्चा सुरू झाली आहे. तसंच अक्षयनं ‘हेरा फेरी ३’ च्या कथेबद्दल जे काही वक्तव्य केलंय, ते देखील नाडियाडवाला यांना खटकलं होतं.