अमरावतीकर झाले अनलॉक, वाचा काय आहेत नवे नियम

अमरावती : एकेकाळी करोनाचा स्पॉट असलेल्या अमरावती जिल्ह्यात आता काही नवीन निर्बंधसह शहर अनलॉक करण्यात आले आहे. जिल्हाधिकारी पवणीत कौर यांनी एक पत्र काढून नवीन नियमावली जाहीर केली आहे.

नवीन नियमानुसार जिल्ह्यातील सर्व दुकाने दररोज सकाळी सात ते रात्री आठ वाजेपर्यंत खुली ठेवता येणार आहे. शनिवारी दुपारी तीन वाजेपर्यंत खुली ठेवता येणार आहे. रविवारी फक्त जीवनावश्यक वस्तूंची दुकाने उघडी राहणार असल्याचे आदेश देण्यात आले.

हॉटेल, रेस्टॉरंट, बार, भोजनालय, शिव भोजन थाळी सकाळी सात ते दुपारी चारपर्यंत सुरू राहणार आहेत. तसेच चार ते रात्री आठ वाजेपर्यंत होम डिलिव्हरी देता येणार आहे. नवीन आदेशानुसार शनिवार आणि रविवार फक्त होम डिलिव्हरी देता येणार आहे. यासह जिम, योगा, स्पा, सलून, ब्युटी पार्लर विना वातानुकूलित 50% क्षमतेपर्यंत अनुमती देण्यात आली आहे.
शिवराजचा दुसरा वाढदिवस ठरणार खास; १६ कोटीचं इंजेक्शन मिळालं मोफत
सार्वजनिक स्थळ मैदान हे रात्री आठपर्यंत वॉकिंग, जॉगिंग व खेळासाठी सुरू ठेवता येणार आहे. कृषी निर्माण व संबंधित उद्योग हे पूर्ण वेळ सुरू ठेवण्याचे अनुमती देण्यात आली आहे. मंगल कार्यालय व लॉनमध्ये वधू-वरसहित अधिकतम पन्नास लोकांना परवानगी असेल. लग्नासाठी शासनाची अनुमती अनिवार्य असून सायंकाळी पाच वाजेच्या अगोदर समारंभ पाठवणे आवश्यक आहे.

राजनीतिक सामाजिक कार्यक्रम मनोरंजनात्मक कार्यक्रम यांना अनुमती नाकारण्यात आली आहे. शाळा महाविद्यालय पुढील आदेशापर्यंत बंद ठेवण्यात आले आहेत. तसेच ऑनलाईन क्लासला परवानगी आहे. सार्वजनिक सेवा पूर्ण क्षमतेनुसार सुरू करण्यात आली आहे. हेच मालवाहतुकीचे काम करोनाच्या नियमानुसार चालू ठेवण्याची अनुमती देण्यात आली असून नियमाचे उल्लंघन करणाऱ्यांवर दंडात्मक कारवाई करण्यात येणार असल्याची माहिती जिल्हाधिकारी पवनीत कौर यांनी दिली आहे.
pawar-shah meeting: पवार-अमित शहा भेट नेमकी कशासाठी?; प्रवीण दरेकर म्हणतात…