मी दंड भरणार नाही, माझ्यावर कारवाई करा; लोकल प्रवासादरम्यान झालेल्या कारवाईमुळे महिलेचा संताप

मुंबईः करोना लसीचे दोन डोस घेतलेल्या प्रवाशांना १५ ऑगस्टपासून लोकलमधून (Mumbai Local) प्रवास करण्याची मुभा देण्यात आली आहे. मात्र, तरीदेखील प्रवासी अन्य मार्गानं तिकीट काढून प्रवास करताना दिसत आहे. या लोकांवर रेल्वेकडून कारवाईही करत दंड वसूल करण्यात येतो. अशाच पद्धतीने रेल्वे कर्मचाऱ्यांनी एका महिलेवर कारवाई केल्यानंतर या महिलेनं दंड भरण्यासाठी ५०० रुपये नाहीत, असं म्हणत राज्य सरकारवर संताप व्यक्त केला आहे. सोशल मीडियावर हा व्हिडिओ सध्या प्रचंड व्हायरल होत आहे.

मुंबईतील रेल्वे स्थानकावर हा प्रकार घडला आहे. संबंधित महिलेकडे सेंकड क्लासचं तिकिट आहे मात्र तरीही अत्यावश्यक सेवेत नसल्यानं या महिलेवर कारवाई करण्यात आली आहे, असं या महिलेनं व्हिडिओत म्हटलं आहे. महिलेनं दंड भरण्यास नकार देत तुम्ही माझ्यावर कारवाई करा, असं रेल्वे कर्मचाऱ्यांना सांगितलं. माझ्याकडे ५०० रुपये नाहीयेत, असं म्हणत या महिलेनं फेसबुक लाइव्ह करत स्थानकांवरील इतर प्रवाशांकडे मला पैसे द्या सगळ्यांनी माझ्याकडे पैसे नाहीयेत, असं म्हणत आरडा ओरडा सुरू केला. त्यानंतर माझ्याकडे दंड करायला पैसे नाहीयेत, माझ्यावर कारवाई करा, असं त्यांनी व्हिडिओत म्हटलं आहे.

मनसे नेते गजानन काळे यांच्यावर पत्नीकडून गुन्हा दाखल, केले गंभीर आरोप

माझ्यावर कारवाई करा. मला किती वेळ बसवायचंय बसवा. आता तर मी मास्क पण नाही लावणार. त्याचा पण दंड मी भरणार नाही. मुख्यमंत्री उद्धव ठाकरेंनी ऐकावं की हा महिलांवर अत्याचार आहे. माझ्याकडे पैसे नाहीत मी दंड भरणार नाही. या सरकारचा निषेध आणि उद्धव ठाकरेंचा पण निषेध आहे, असं या महिलेनं म्हटलं आहे.

शिवसेनेचा ‘बुलेट ट्रेन’ला विरोध मावळला?

करोना असाच राहणार आहे पण तुम्ही लोकांकडून लूटत आहात. करोनाने मेली तरी चालेल मी मास्क नाही लावणार. करोनाचे सर्व थोतांड आहे. मी कॅमेरा सुरू ठेवणार तुम्ही कारवाई करा, असंही या महिलेनं पोलिस कर्मचाऱ्यांना सांगितलं.

रत्नागिरीतील दापोली शहरात गांजा विक्रीचे जाळे; नेमका सूत्रधार कोण?