बिनकामाच्या स्पॅम मेसेजेसनी वैतागला आहात? ‘या’ सोप्या स्टेप्स फॉलो करुन मिळवा सुटका

By tejpolicetimes On May 31, 2023

नवी दिल्ली : How to Block Spam Messages : ज्या प्रकारे फेक कॉल्सनी युजर्सना त्रास दिला आहे, त्याच प्रकारे फेक मेसेज म्हणजेच स्पॅम मेसेजसनी देखील अनेक युजर्स त्रासले आहेत, वैतागले आहेत. आपल्यापैकी अनेकांना दिवसभरात इतके स्पॅम मेसेज येतात की फोनचा मेसेज बॉक्स त्याने पूर्णपणे भरून जातो. मात्र, या स्पॅम मेसेजनी केवळ मेसेज बॉक्सच भरत नाही तर फोनला मालवेअरसारख्या व्हायरसचा धोकाही निर्माण करत असतात. अशा मेसेजमध्ये अनेक मालवेअर असतात, तुम्ही रिप्लाय दिल्यास किंवा लिंकवर क्लिक केल्यास हॅकर्स तुमचा फोन त्यातील खाजगी माहिती हॅक करु शकतात. तुमच्या अकाउंटमधील पैसे देखील चोरू शकतात. तर अशा परिस्थितीत अशा मेसेजसना ब्लॉक करणं हा एक अगदी योग्य पर्याय आहे. तर हे कसं करायचं याबद्दल आम्ही तुम्हाला आज माहिती देत आहोत.

वाचा : Jio, Airtel आणि Vi ग्राहकांसाठी फायद्याची बातमी, ‘या’ प्लानमध्ये मिळेल दररोज 4GB पर्यंत डेटा

Android वर स्पॅम मजकूर कसा ब्लॉक करायचा?

तुमच्या Android फोनवर निरुपयोगी स्पॅम मजकूर संदेश ब्लॉक करण्यासाठी, तुम्हाला सर्वप्रथम मेसेजिंग अॅपवर जावं लागेल.
त्यानंतर तुम्हाला ब्लॉक करायचा असलेल्या मेसेजवर जा. त्यानंतर मेसेजच्या वर तीन डॉट्स दिले जातील, त्यावर टॅप करा
.तिथे तुम्हाला Block पर्याय दिसेल.
अनेक वेळा हा पर्याय उपलब्ध नसतो. यासाठी तुम्हाला मेसेजवर होल्डकरुन ठेवावं लागेल. त्यानंतर तुम्हाला ब्लॉकचा पर्याय दिसेल, तुम्हाला त्यावर टॅप करावे लागेल.

Android वर स्पॅम मेसेजसची तक्रार कशी कराल?
स्पॅम संदेशांची तक्रार करणं देखील खूप सोपं आहे. ज्या पद्धतीने मेसेज ब्लॉक केले जातात, त्याच पद्धतीने मेसेजची तक्रार करावी लागते. तुम्हाला हा पर्याय ब्लॉकसह मिळेल. Block and Report असा ऑप्शन तुम्हाला यावेळी वापरावा लागेल.

वाचा : Smartphone Care : चुकूनही या चुका करू नका, नाहीतर स्मार्टफोन कायमचा होईल खराब

Source link