Smartphone Use in Toilet : तुम्हीही टॉयलेटमध्ये फोन घेऊन जाता? आताच ही सवय थांबवा नाहीतर…

​​टॉयलेटमध्ये बसून सोशल मीडिया अकाउंट चालवणाऱ्यांची संख्या अधिक

नॉर्डवीपीएनच्या एका स्टडीनुसार १० पैकी ६ जण हे फोन वॉशरुममध्ये वापरतात. यामध्ये अधिक तरुणांची संख्या आहे. या अभ्यासात समोर आलं आहे की, ६१.६ टक्के लोक हे टॉयलेटमध्ये बसून फेसबुक, ट्वीटर, इन्स्टाग्राम अशाप्रकारचं सोशल मीडिया चालवत असतात. तर उर्वरीत ३३.९ टक्के हे बातम्या किंवा करंट अफेअर्सबद्दल वाचत असतात. याशिवाय २४.५ टक्के लोक जवळच्या लोकांना मेसेजिंग करत असतात, तसंच फोनवर बोलतात देखील.

​पण हीच सवय आहे घातक

वर सांगितल्याप्रमाणे वॉशरुममध्ये स्मार्टफोन वापरणाऱ्यांची संख्या खूप आहे. पण ही सवय फारच घातकही आहे. कारण स्मार्टफोन टॉयलेटमध्ये घेऊन जाणं फारच घातक आहे. स्मार्टफोन टॉयलेटमध्ये घेऊन गेल्याने त्यावर बॅक्टेरिया आणि इतर किटाणू जमा होऊ शकतात. जितका वेळही लोक टॉयलेट सिटवर व्यस्त असतात तेवढ्या वेळात बॅक्टेरिया आणि किटाणून हाताच्या मार्गाने तुमच्या फोनवर जातात. जे नंतर तोंड-नाक याद्वारे तुमच्या शरीरात प्रवेश करतात.

​स्मार्टफोनवर किटाणू अधिक काळ टिकतात

तर एका रिपोर्टमधून समोर आलं आहे की, मोबाईल स्क्रीनवर २८ दिवसांपर्यंत जिवंत राहतात. एका रिपोर्टमध्ये संक्रमण-नियंत्रण विशेष तज्ज्ञ डॉ. ह्यू हेडन यांनी दिलेल्या माहितीत समोर आलं आहे की, स्मार्टफोनवर अगदी टॉयलेट सीटपेक्षाही जास्त किटाणू असतात. स्मार्टफोन म्हणेज एक प्रकारे रोग पसरवणारा डिजीटल मच्छर असंही म्हटलं आहे.

​वाचा : ChatGPT म्हणजे नेमकं काय? खरंच यामुळे नोकऱ्या धोक्यात आहेत का? संपूर्ण माहिती एका क्लिकवर

​टॉयलेटमध्ये फोन घेऊन गेल्याने पसरतो व्हायरस

टॉयलेटमध्ये किटाणू अधिक असल्याने ते तिथे घेऊन गेलेल्या वस्तूंवर खासकरुन फोनवर चिटकून राहतात. हे किटाणून फोनसोबत बाहेर येऊन सर्वत्र पसरतात. याचं संक्रमण वाढतं आणि वेगवेगळे रोगही पसरतात. यामध्ये पोटदुखी, जंत होणे, फुड पॉईसन, त्वता रोग असे रोग होतात.

​वाचा : AC मुळे लाईट बिल खूप येतंय? ‘या’ ५ टिप्स फॉलो केल्यास वाचेल वीज आणि कमी येईल वीजबिल

​टॉयलेटमध्ये फोन नेणं टाळणं तुमच्यासाठी चांगलं​

तुम्ही जर टॉयलेटमध्ये फोन नेणं टाळलं तर तुमच्यासाठी ते चांगलं आहे. तुम्ही फोनच नाही तर इतरही प्रोडक्ट्स जसंकी हेडफोन, इअरबड्स सर्वच तुम्ही टॉयलेटमध्ये नेल्यास ते देखील दुषित होऊ शकतात. त्यामुळे केवळ टाईमपास किंवा मनोरंजनासाठी फोन टॉयलेटमध्ये नेणं तुमच्यासाठी हानिकारक आहे.

वाचा : Upcoming Smartphones : नवा फोन घ्यायचा विचार करताय? थांबा, भारतात लाँच होत आहेत दमदार स्मार्टफोन्स

​