मंत्रालयासमोर आत्महत्येचा प्रयत्न; आठवड्याभरातील दुसरी घटना

मुंबईः एका व्यक्तीने मंत्रालयासमोर (Maharashtra Mantralaya) विष पिऊन आत्महत्येचा प्रयत्न केल्याची घटना घडली आहे. शुक्रवारी सकाळच्या सुमारास ही घटना घडली आहे. या व्यक्तीला तातडीने रुग्णालयात दाखल करण्यात आलं आहे.

व्यक्तीने मंत्रालयासमोर विष पिऊन आत्महत्या करण्याचा प्रयत्न केल्यानंतर पोलिसांनी तात्काळ या व्यक्तीला ताब्यात घेतलं आहे. पोलिसांनी या व्यक्तीला रुग्णालयात उपचारांसाठी दाखल करण्यात आलं आहे. सुभाष जाधव असं या व्यक्तीचं नाव असून तो पुण्यातील आंबेगावचा रहिवासी आहे. गावच्या जमिनी व घर बळकवाल्याच्या वादातून या व्यक्तीने मंत्रालयासमोर आत्महत्येचा प्रयत्न केला आहे.

वाचाः ‘ही तालिबानी मानसिकता’; त्या घटनेवरुन फडणवीसांची शिवसेनेवर टीका

दरम्यान, १५ ऑगस्टरोजी एका शेतकऱ्याने मंत्रालयासमोर आत्मदहनाचा प्रयत्न केला होता. मुख्यमंत्री मंत्रालयातील ध्वजारोहण करून बाहेर पडल्यानंतर मंत्रालयाच्या प्रवेशद्वाराजवळ येऊन स्वतःच्या अंगावर रॉकेल ओतून आत्मदहनाचा प्रयत्न केला. सुनील गुजर असे या शेतकऱ्याचे नाव असून तो जळगाव जिल्ह्यातील असल्याची माहिती पुढे आली होती. घर गहाण पडलेय. मोठी आर्थिक चणचण आहे, त्यामुळे आत्महदनाचा प्रयत्न केल्याची माहिती या शेतकऱ्याने पोलिसांना दिली होती. त्यानंतर आठ दिवसांच्या आत दुसऱ्यांदा मंत्रालयासमोर आत्महत्येचा प्रयत्न केल्यानं खळबळ उडाली आहे.

वाचाः गोपीचंद पडळकरांचा पोलिसांना चकवा; भल्या पहाटे भरवली बैलगाडा शर्यत

वाचाः बलात्काराच्या आरोपामुळं युवकाची कोठडीत आत्महत्या?; नातेवाईकांनी केला गंभीर आरोप