Jio दमदार प्रिपेड प्लान, JioSaavn Pro च्या सब्सक्रिप्शनसोबत 42GB डेटा आणि बरंच काही

नवी दिल्ली : Jio Best Prepaid Recharges : सद्यस्थितीला देशभरात सर्वाधिक लोक हे जिओचं नेटवर्कच वापरत आहेत. जिओ देखील आपल्या ग्राहकांसाठी एकापेक्षा एक प्लान घेऊन येत आहे. कंपनी एका प्लानमध्ये अनेक फायदे देत असून असे काही प्लान्स आहेत ज्याबद्दल लोकांना फारच कमी माहिती आहे. यातीलच एक म्हणजे Jio चा रिचार्ज जो दमदार डेटासह JioSaavn Pro च्या मोफत सबस्क्रिप्शनसह येत असून जर तुम्ही म्युझिक लव्हर असाल तर तुमच्यासाठी हा रिचार्ज फारच भारी आहे. आजच्या रिपोर्टमध्ये आम्ही तुम्हाला Jio च्या अशाच प्री-पेड प्लानबद्दल सांगणार आहोत, ज्यामध्ये भरपूर डेटा उपलब्ध आहे आणि सोबत JioSaavn Pro चे सबस्क्रिप्शन देखील उपलब्ध आहे.

जिओच्या या प्लानची किंमत २६९ रुपये आहे. ज्यामध्ये JioSaavn Pro चे मोफत सबस्क्रिप्शन उपलब्ध आहे. या प्लानची वैधता २८ दिवसांची आहे आणि यामध्ये एकूण 42 GB डेटा उपलब्ध आहे. या प्लानमध्ये दररोज 1.5GB डेटा मिळतो. दैनंदिन डेटा कोटा संपल्यानंतर, डेटा स्पीड 64Kbps पर्यंत कमी होईल. या प्लानमध्ये ग्राहकांना JioSaavn Pro व्यतिरिक्त JioCloud, JioCinema आणि JioTV वर मोफत प्रवेश मिळेल.

वाचा: काय सांगता? फक्त ४ ग्राम वजनाचे इअरबड्स! ५५ तास बॅटरी बॅकअपसह किंमत १,४९९ रुपये

इतरही दमदार रिचार्ज जिओकडे उपलब्ध
या प्लान अंतर्गत ग्राहकांना अमर्यादित 5G डेटा देखील मिळेल. जर तुमच्या भागात Jio चे 5G नेटवर्क असेल आणि तुमच्याकडे 5G फोन असेल तर या प्लान अंतर्गत तुम्ही अमर्यादित 5G डेटा वापरू शकता. Jio कडे इतरही काही योजना आहेत ज्यात JioSaavn Pro सबस्क्रिप्शन उपलब्ध आहे. JioSaavn Pro चे सबस्क्रिप्शन Jio च्या Rs 529, Rs 739, Rs 589 आणि Rs 789 च्या प्लानमध्ये उपलब्ध आहे.

वाचा : आता चष्म्याद्वारे फोनवरही बोलता येणार, ब्लूटूथ कॉलिंगसह टायटन आय प्लसनं लाँच केले Smart Glasses