Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
जबरदस्त अ‍ॅडव्हान्स फिचरसह HP नं लाँच केले दोन लॅपटॉप; Pavilion Plus 14 आणि Pavilion Plus 16 ची भारतात एंट्री
HP नं भारतात आपले दोन लॅपटॉप HP Pavilion Plus 14 आणि HP Pavilion Plus 16 लाँच केले आहेत. ह्या दोन्ही लेटेस्ट लॅपटॉपमध्ये स्मूद फंक्शनिंगसाठी १३ व्या जनरेशनचा इंटेल कोर प्रोसेसर देण्यात आला आहे. ह्या लॅपटॉपमध्ये IMAX एन्हांस्ड डिस्प्ले, Iris Xe/NVIDIA GeForce RTX 3050 ग्राफिक्स कार्ड आणि AI टेक्नॉलॉजीचा सपोर्ट मिळतो.
HP Pavilion Plus 14 चे स्पेसिफिकेशन्स
एचपीनं या लॅपटॉपमध्ये १४ इंचाचा IMAX OLED डिस्प्ले दिला आहे. ज्याचे रिजोल्यूशन २८८० x १८०० पिक्सल आणि पीक ब्राइटनेस ४०० निट्स आहे. ह्यात Intel Core 13th Gen i7 प्रोसेसर, Iris Xe ग्राफिक कार्ड आणि १६जीबी रॅम मिळते. लॅपटॉपमध्ये १टीबी पर्यंतची स्टोरेज देण्यात आली आहे. पावरसाठी लॅपटॉपमध्ये ६८व्हॉटअव्हरची बॅटरी देण्यात आली आहे, जी फास्ट चार्जिंगला सपोर्ट करते.
हे देखील वाचा: Apple नेच कमी केली किंमत; डिस्काउंट आणि कॅशबॅकसह iPad ची विक्री सुरु
नवीन लॅपटॉपमध्ये व्हिडीओ कॉन्फ्रेंसिंगसाठी ५ मेगापिक्सलचा वेबकॅम, ड्युअल माइक आणि ड्युअल स्पिकर देण्यात आले आहेत. कनेक्टिव्हिटीसाठी लॅपटॉपमध्ये थंडरबोल्ट पोर्ट, यूएसबी टाईप-सी, टाईप-ए, हेडफोन जॅक आणि एचडीएमआय २.१ पोर्ट देण्यात आला आहे. तसेच, हा लॅपटॉप Windows 11 Home वर चालतो. ह्याचे वजन १.४४ किलोग्राम आहे.
HP Pavilion Plus 16 चे स्पेसिफिकेशन्स
एचपी पॅव्हेलियन प्लस १६ मध्ये १६ इंचाचा WQXGA डिस्प्ले आहे. ही स्क्रीन २५६० x १६०० पिक्सल रिजोल्यूशन आणि ४०० निट्स ब्राइटनेसला सपोर्ट करते. हा लो-ब्लू लाइट आणि TUV + Eyesafe सपोर्टसह बाजारात आला आहे. ह्यात Intel Core i7 प्रोसेसरसह Iris Xe ग्राफिक कार्ड आणि १६जीबी एलपीडीडीआर५एक्स रॅम देण्यात आला आहे. सोबत १टीबी पर्यंत एसएसडी स्टोरेज मिळते. चांगल्या साउंडसाठी लॅपटॉपमध्ये ड्युअल स्पिकर देण्यात आले आहेत, जे DTS:X अल्ट्रा आणि HP Audio बूस्टसह आले आहेत.
हा लॅपटॉप बॅकलिट की-बोर्ड आणि टचपॅडसह आला आहे. ह्यात ब्लूटूथ ५.३, वाय-फाय, यूएसबी टाईप-सी, टाईप-ए, हेडफोन, एसी स्मार्ट पिन आणि एचडीएमआय पोर्ट देण्यात आला आहे. हा लॅपटॉप विंडोज ११ वर चालतो. ह्याचे वजन १.९० किलोग्राम आहे.
हे देखील वाचा: नवीन X अकाऊंट बनवण्यासाठी द्यावे लागणार पैसे; दरवर्षी रिन्यू करावं लागणार सब्सस्क्रिप्शन
लॅपटॉपमधील एआय फीचर
HP Pavilion Plus 14 आणि HP Pavilion Plus 16 मध्ये आर्टिफिशियल इंटेलिजेंससह HP Presence 2.0 फीचर देण्यात आलं आहे. ज्याच्या मदतीनं युजर्स व्हिडीओ कॉन्फ्रेंसिंग दरम्यान बॅकग्राउंड ब्लर करण्यासह कस्टम इमेज लावता येईल. तसेच दोन्ही लॅपटॉपमध्ये ऑटो फ्रेम फीचर मिळतं.
HP Pavilion Plus 14 आणि 16 ची किंमत
HP Pavilion Plus 14 ची किंमत ९१,९९९ रुपयांपासून सुरु होते. तसेच, HP Pavilion Plus 16 लॅपटॉपचा बेस मॉडेल १,२४,९९९ रुपयांमध्ये खरेदी करता येईल.