मुंबई विद्यापीठात भविष्यातील अनुभवाधारित आणि प्रयोगात्मक शिक्षणाचे प्रारूप विकसीत करण्यासाठी आंतरराष्ट्रीय कार्यशाळेचे आयोजन

Mumbai University News: मुंबई विद्यापीठास वर्ग-१ विद्यापीठाचा दर्जा बहाल; यूजीसीकडून ग्रेडेड ऑटोनॉमीचा दर्जा प्रदान

“बहुविद्याशाखीय शैक्षणिक कार्यक्रम आणि कौशल्य विकास एम्बेडेड इंटर्नशिप,” या सदराखाली कौशल्य विकासाला सैद्धांतिक ज्ञानाशी जोडण्यासाठी आंतरविद्याशाखीय शैक्षणिक कार्यक्रम तयार करण्यावर लक्ष केंद्रित करण्यात आले. विद्यार्थ्यांना व्यावहारिक आणि औद्योगिक क्षेत्रातील ज्ञान व प्रात्यक्षिक अनुभव कसे मिळावता येईल यावर या सत्रात मार्गदर्शन करण्यात आले.

“मूल्यांकन सुधारणा आणि मूल्यमापन,” या सत्रात, शिक्षणातील मूल्यांकन पद्धतींचे आधुनिकीकरण करण्याची आवश्यकता अधोरेखित करण्यात आली. या सत्रातील सादरीकरणामध्ये पारंपारिक रॉट मेमोरिझेशनपेक्षा व्यावहारिक कौशल्यांना प्राधान्य देण्यासाठी नवीन मूल्यमापन तंत्रे प्रस्तावित केली गेली.

कार्यशाळेतील प्रश्नोत्तराच्या समारोपीय सत्रात विविध विभागातील विभागप्रमुख, संचालक आणि शिक्षक यांच्यासोबत राष्ट्रीय शैक्षणिक धोरणाची अंमलबजावणी, शैक्षणिक नवकल्पना, आव्हाने आणि संधी यावर विविधांगी चर्चा करण्यात आली. उच्च शिक्षणाच्या आंतरराष्ट्रीयकरणाच्या दिशेने पाऊल टाकत मुंबई विद्यापीठाने अमेरिकेतील प्रतिष्ठित सेंट लुईस विद्यापीठाबरोबर शैक्षणिक सामंजस्य करार केला आहे. या दोन्ही उभयतांमधील शैक्षणिक सामंजस्यातील सहयोगी प्रयत्नातून या आंतरराष्ट्रीय कार्यशाळेचे आयोजन करण्यात आले होते.

Mumbai University News: मुंबई विद्यापीठास सर्वोत्कृष्ट विद्यापीठाचा पुरस्कार जाहीर