Tej Police Times
खेळता खेळता मुलगी खाडीत पडली, वाचवण्यासाठी वडिलांची पाण्यात उडी, बेपत्ता बाप-लेकीचा शोध सुरू
डोंबिवली: पश्चिम डोंबिवलीतील कुंभारखाणपाडा ते राजूनगर लगत असलेल्या खाडीत पडून अडीच वर्षांच्या चिमुरडीसह तिचे वडील बेपत्ता झाल्याने परिसरात एकच खळबळ माजली आहे. हा प्रकार शनिवारी दुपारी दीड वाजण्याच्या सुमारास घडला. बेपत्ता झालेल्या बाप-लेकीला शोधून काढण्यासाठी पोलिसांसह अग्निशमन दलाच्या जवानांनी मोहीम सुरू केली. मात्र संध्याकाळपर्यंत दोघा बाप-लेकीचा थांगपत्ता न लागल्याने घटनास्थळी जमलेल्या बघ्यांसह बेपत्ता बाप-लेकीच्या घरच्यांमध्ये चिंता वाढली होती.
डोंबिवली पश्चिमेत असलेल्या खाडीच्या किनाऱ्यावर शनिवारी दुपारी दीड वाजता खेळताना खाडीत पडलेल्या आपल्या अडीच वर्षाच्या मुलीला वाचविताना मुलीसह वडील वाहून गेल्याची दुर्देवी घटना घडली. पाच तास अग्निशमन दलासह पोलिसांच्या पथकांनी शोध घेऊनही बुडालेल्या दोघांचा शोध लागलेला नाही. या दुर्देवी घटनेमुळे परिसरात चिंता व्यक्त करण्यात येत आहे. अनिल सुरवाडे (४०, रा. राजूनगर) आणि हिरा (अडीच वर्ष) अशी खाडीत बेपत्ता झालेल्या वडील आणि मुलीचे नाव आहे. अनिल हे कुटुंबीयांसह राजूनगर भागातील एका इमारतीमध्ये भाड्याच्या घरात राहतात. सुरवाडे यांना पत्नी आणि दोन मुली आहेत. यातील मोठी मुलगी कॉलेजमध्ये शिक्षण घेत आहे.
मिळालेल्या माहितीनुसार, शनिवारी दुपारी दीड वाजताच्या दरम्यान अनिल सुरवाडे आपली चिमुरडी मुलगी हिराला कुंभारखाणपाडा खाडी किनारी खेळण्यासाठी घेऊन आले होते. यावेळी खाडीला ओहटी होती. खाडीत जाण्यासाठी काँक्रीटचा उतार कट्टा अर्थात जेट्टी आहे. या उतार कट्ट्याच्या खाडीकडील भागात हिरा तिच्याकडील खेळाच्या वस्तू घेऊन खेळत होती. खाडीत तेथे पडलेल्या वस्तू फेकून हिरा आनंद घेत होती. खेळताना तिने पायातील चपला आणि कपडे काढून ठेवले होते. मुलगी खेळत असल्याने वडील तिच्यापासून काही अंतरावर बसले होते. खेळताना हिरा उतार जेट्टीच्या एकदम कडेला गेली आणि तोल जाऊन ती खाडीत पडली.
डोंबिवली पश्चिमेत असलेल्या खाडीच्या किनाऱ्यावर शनिवारी दुपारी दीड वाजता खेळताना खाडीत पडलेल्या आपल्या अडीच वर्षाच्या मुलीला वाचविताना मुलीसह वडील वाहून गेल्याची दुर्देवी घटना घडली. पाच तास अग्निशमन दलासह पोलिसांच्या पथकांनी शोध घेऊनही बुडालेल्या दोघांचा शोध लागलेला नाही. या दुर्देवी घटनेमुळे परिसरात चिंता व्यक्त करण्यात येत आहे. अनिल सुरवाडे (४०, रा. राजूनगर) आणि हिरा (अडीच वर्ष) अशी खाडीत बेपत्ता झालेल्या वडील आणि मुलीचे नाव आहे. अनिल हे कुटुंबीयांसह राजूनगर भागातील एका इमारतीमध्ये भाड्याच्या घरात राहतात. सुरवाडे यांना पत्नी आणि दोन मुली आहेत. यातील मोठी मुलगी कॉलेजमध्ये शिक्षण घेत आहे.
मिळालेल्या माहितीनुसार, शनिवारी दुपारी दीड वाजताच्या दरम्यान अनिल सुरवाडे आपली चिमुरडी मुलगी हिराला कुंभारखाणपाडा खाडी किनारी खेळण्यासाठी घेऊन आले होते. यावेळी खाडीला ओहटी होती. खाडीत जाण्यासाठी काँक्रीटचा उतार कट्टा अर्थात जेट्टी आहे. या उतार कट्ट्याच्या खाडीकडील भागात हिरा तिच्याकडील खेळाच्या वस्तू घेऊन खेळत होती. खाडीत तेथे पडलेल्या वस्तू फेकून हिरा आनंद घेत होती. खेळताना तिने पायातील चपला आणि कपडे काढून ठेवले होते. मुलगी खेळत असल्याने वडील तिच्यापासून काही अंतरावर बसले होते. खेळताना हिरा उतार जेट्टीच्या एकदम कडेला गेली आणि तोल जाऊन ती खाडीत पडली.
मुलगी खाडीत पडून वाहून जात असल्याचे निदर्शनास येताच वडील अनिल यांनी धावत जाऊन खाडीत उडी घेतली. खाडी किनारी गाळ आणि पाण्याचा प्रवाह वेगात असल्याने मुलगी वाहून गेली. मुलीला वाचविताना अनिल यांना किनारपट्टीचा गाळ आणि खाडीतील दुर्गंधीयुक्त पाणी यांचा अडथळा आला. त्यामुळे वाहत्या पाण्याबरोबर अनिल वाहून गेले. ते स्वत:चा देखील बचाव करू शकले नाहीत. दहा फुटापर्यंत ते पाण्याच्या प्रवाहाबरोबर वाहून गेले. बचावासाठी त्यांनी हात वर केले आणि खाली बुडाले. उतार जेट्टीपासून काही अंतरावर झाडाखाली बसलेल्या दोन तरुणांना अनिल यांनी बुडताना वर केलेला हात पाहिला. या दोन्ही तरूणांना खाडी किनारी वडील आणि त्यांची चिमुकली मुलगी अचानक गायब दिसल्याचे दिसले. किनाऱ्यावर मुलीच्या चप्पल, खेळातील बाहुल्या आणि कपडे पडले होते.
खाडी किनारी खेळत असलेली चिमुकली आणि तिचे वडील खाडीत पडून वाहून गेल्याची खात्री पटल्यावर या दोन्ही तरूणांनी तातडीने विष्णूनगर पोलीस ठाण्याचे वरिष्ठ पोलीस निरीक्षक मोहन खांदारे यांना संपर्क साधला. वपोनि खांदारे यांनी तात्काळ केडीएमसीच्या गरीबाचापाडा येथील अग्निशमन केंद्राला माहिती दिली. अग्निशमन दलाचे जवान आणि पोलिसांची पथके तातडीने कुंभारखाणपाडा खाडी किनारी पोहोचली. या पथकांनी कुंभारखाणपाडा, राजूनगर ते देवीचापाडा खाडी किनारपट्टीचा पाच ते सहा किलोमीटरचा पट्टा बोटीच्या साह्याने पिंजून काढला. परिसरात मुलगी किंवा तिचे वडील कुठेही आढळून आले नाहीत. शोध पथकाने पुन्हा देवीचापाडा ते कुंभारखाणपाडा अशी उलट्या दिशेने शोध मोहीम राबवली.
एसटीत ६१ प्रवासी; खड्डा वाचवण्याचा प्रयत्न महागात, बसचा ताबा सुटून चालक गाडीबाहेर फेकला अन्…
खाडी किनारपट्टीच्या खारफुटीत दोघे बाप-लेक अडकले आहेत का याचा शोध घेतला. बेपत्ता झालेले दोघेही बाप-लेक संध्याकाळी उशिरापर्यंत कुठेही आढळून आले नाहीत. त्यांचे शोधकार्य अग्निशमन जवानांनी प्रखर झोताचे दिवे लावून सुरूच ठेवले होते. खाडी किनारी येणाऱ्या रस्त्यांवरील सीसीटीव्ही कॅमेरे तपासून बुडालेल्यांची ओळख पोलिसांनी पटवली. ही माहिती त्यांच्या कुटुंबीयांना देण्यात आली. ओहटीमुळे दोघे बाप-लेक खाडीच्या खोल भागात खेचल्या गेल्या असाव्यात, असा अंदाज बांधला जात आहे. मात्र अंधार पडल्यानंतर शोधकार्य स्थगित करण्यात आल्याचे तपास पथकांकडून सांगण्यात आले.