Tej Police Times
हायलाइट्स:
- ईडी लावली तर सीडी लावेन असे मी म्हणालो होतो. ती सीडी मी पोलिसांकडे दिलेली आहे-एकनाथ खडसे
- पोलिस चौकशी करत आहेत. योग्य वेळी मी सीडी लावणार आहे- खडसे यांचा इशारा.
- चंद्रकांत पाटील यांनी शेजारी बसणाऱ्यांची चौकशी करावी- एकनाथ खडसे.
एकनाथ खडसे प्रसारमाध्यमांशी बोलत होते. मी गेली ४० वर्षे राजकारणात आहे. पण या काळात माझ्यावर एकही आक्षेप घेण्यात आलेला नाही. राजकारणात कधी कुणी माझ्या विरोधात बोलले नाही. पण जमिनीबाबतचा हा आरोप माझ्यावर हेतुपुरस्सर लावण्यात आलेला आहे. न्यायालयानेही सांगितले आहे की या आरोपांमध्ये तथ्य नाही. कर नाही त्याला डर कशाला, असे म्हणत आपण ईडीच्या चौकशीला सामोरे जात आहोत, असे खडसे म्हणाले.
क्लिक करा आणि वाचा- जन आशीर्वाद यात्रेमुळे करोना वाढणार; अजित पवार यांचे टीकास्त्र
राष्ट्रवादीचे नेते एकनाथ खडसे यांनी माझ्या मागे ईडी लावली तर सीडी बाहेर काढीन असे विधान केले होते. त्याच्या या विधानानंतर खडसेंची ईडीकडून चौकशी करण्यात आली. मात्र, बोलल्याप्रमाणे खडसे यांनी सीडी लावलेली नव्हती. आता मात्र, आता खडसेंनी योग्य वेळी सीडी लावण्याबाबत भाष्य केले आहे.
क्लिक करा आणि वाचा- जन आशीर्वाद यात्रेत नारायण राणे यांना लागला विजेचा शॉक
‘चंद्रकांतदादांनी त्यांच्या शेजारी बसणाऱ्यांची चौकशी करावी’
जे भ्रष्टाचार करतात, त्या लोकांवर आम्ही कारवाई करतो, असे भाजपचे प्रदेशाध्यक्ष चंद्रकांत पाटील म्हणाले होते. त्यामुळे मला अपेक्षा आहे की दादांनी त्यांच्या शेजारी बसणाऱ्या लोकांची चौकशी करावी, असे खडसे म्हणाले. त्यांनी माझी ईडीची चौकशी लावली हे चंद्रकांतदादांनी मान्य केल्याबद्दल मी त्यांचा आभारी आहे, असा टोला खडसेंनी लगावला.
क्लिक करा आणि वाचा- … तर सन २०५० पर्यंत मुंबईतील ‘हा’ भाग पाण्याखाली जाणार; पालिका आयुक्तांचा इशारा
विधानसभेत मी वारंवार विचारले आहे की माझा दोष काय आहे ते तरी सांगा. जर मी दोषी असेल तर मला फाशी द्या. आता ईडीने चौकशी लावली. चूक असेल तर कारवाई होईल. कोर्टात जे काय व्हायचे आहे ते होईल, असेही खडसे पुढे म्हणाले.