आधी कारची रेकी; संधी मिळताच काच फोडली, दिवसाढवळ्या रक्कम लुटून चोरटे फरार, घटनेनं खळबळ

जालना: एका उभ्या स्विफ्ट कारची साईडची काच फोडून अज्ञात चोरट्यांनी कारच्या ड्रावरमध्ये ठेवलेली १ लाख ५० हजार रूपयांची रोकड चोरून नेल्याची घटना जालना जिल्ह्याच्या अंबड शहरात उघडकीस आली आहे. आज भर दुपारच्या सुमारास शहरतील एच.डी.एफ. सी बँकेसमोर ही धक्कादायक घटना घडल्याने एकच खळबळ उडाली असून चोरट्यांनी दहशत पसरली आहे.
कामासाठी बाहेर निघाल्या, सिग्नलवर थांबल्या, तेवढ्यातच अनर्थ, बहिणीच्या डोळ्यादेखत तरुणीचा करुण अंत
मिळालेल्या माहितीनुसार, अंबड तालुक्यातील मंगुजळगांव येथील अक्षय सदाशिव वाढेकर हे स्विफ्ट कारने अंबड शहरात आले होते. तिथे त्यांनी एच.डी.एफ. सी बँकेसमोर आपली कार उभी केली होती. या दरम्यान अज्ञात चोरट्यांनी त्यांच्या कारवर पाळत ठेवली. कारचा साईड काच फोडून ड्रावरमधील दीड लाख रुपयांची रोकड चोरून नेली. याप्रकरणी अक्षय सदाशिव वाढेकर यांच्या फिर्यादीवरून अंबड पोलीस ठाण्यात अज्ञात चोरट्यांविरूध्द भादंवि कलम ४२७, ३८० अन्वये गुन्हा नोंद करण्यात आला असून या प्रकरणी पुढील तपास पोलीस उपनिरीक्षक कसबे हे करीत आहे.

शरद पवारांनी विश्वास टाकला, मी निष्ठेला जपलं, मग फसवणूक कशी?; अमोल कोल्हेंचा हसन मुश्रीफांना सवाल

दरम्यान भर दुपारच्या सुमारास घडलेल्या या धाडसी चोरीच्या घटनेने शहरात एकच खळबळ उडाली आहे. या घटनेनंतर नागरिकांच्या सुरक्षेचा मुद्दा पुन्हा ऐरणीवर आला आहे. पोलीस सर्व बाजूने तपास करत असून काही cctv फुटेज मिळते का याचाही शोध चालू आहे.