धाराशिवमध्ये पहिला जेएन १ रुग्ण आढळला, नवीन व्हेरीएंटचा जिल्ह्यात शिरकाव, १४ वर्षीय बालकाला लागण

त्या पॉझिटिव्ह रुग्णास तुळजापूर येथील उपजिल्हा रुग्णालयात विलगीकरण कक्षात ठेवण्यात आले असून घरातील इतर नातेवाईकांना कोणत्याही प्रकारची लक्षणे नाहीत. मात्र नागरिकांनी याबाबत दक्षता घ्यावी, असे आवाहन माहिती निवासी जिल्हा शल्य चिकित्सक डॉ. इस्माईल मुल्ला यांनी केले आहे. विषाणूंची बाधा झालेल्या रुग्णाला दोन-तीन दिवस ताप येतो. त्यानंतर खोकला सुरू होतो. मात्र हा आजार जास्त बळवणारा आणि घातक नसल्यामुळे नागरिकांनी घाबरून जाऊ नये. तसेच अशी लक्षणे दिसताच नजीकच्या रुग्णालयात जाऊन वेळीच उपचार घ्यावेत, असे आवाहन जिल्हाधिकारी डॉ. सचिन ओंबासे यांनी केले आहे.