Tej Police Times
व्यायामशाळेच्या जागी इमारत, तक्रारीकडे प्रशासनाचे दुर्लक्ष, पालकमंत्र्यांसमोर तरुणाचं धक्कादायक कृत्य
सोलापूर: पालकमंत्री चंद्रकांत दादा पाटील हे गुरुवारी दिवसभर सोलापूर दौऱ्यावर होते. जिल्हा नियोजन भवन येथील बैठक संपल्यानंतर पालकमंत्री चंद्रकांत पाटील यांचा ताफा जाताना दादासो बबन कळसाईत (३६, रा.टाकळी, ता माढा जि सोलापूर) या तरुणाने स्वतःच्या अंगावर डिझेल ओतून पेटवून घेण्याचा प्रयत्न केला आहे. सदर बाजार पोलीस ठाण्याच्या पोलिसांनी ताबडतोब संबंधित तरुणास तरुणास ताब्यात घेतले आणि सदर बाजार पोलीस स्टेशनकडे आणले.
मिळालेल्या माहितीनुसार, माढा तालुक्यातील टाकळी गावात २०१८ साली सात लाख रुपयांची व्यायाम शाळा मंजूर झाली होती. मात्र त्या ठिकाणी सद्यस्थितीत टोलेजंग इमारत बांधण्यात आली आहे. दादासो कळसाईत हे टाकळी गावचे ग्रामपंचायत सदस्य आहेत. त्यांनी व्यायाम शाळेचा अनुदान आणि अनुदानाचा घोटाळा झाला आहे, अशी तक्रार जिल्हा परिषद मुख्य कार्यकारी अधिकारी, जिल्हाधिकारी आणि उपमुख्यमंत्री, देवेंद्र फडणवीसांकडे कैफियत मांडली. शासनाकडून कोणत्याही प्रकारचा प्रतिसाद मिळत नसल्याने दादासो कळसाईत यांनी गुरुवारी टोकाची भूमिका घेतली.
मिळालेल्या माहितीनुसार, माढा तालुक्यातील टाकळी गावात २०१८ साली सात लाख रुपयांची व्यायाम शाळा मंजूर झाली होती. मात्र त्या ठिकाणी सद्यस्थितीत टोलेजंग इमारत बांधण्यात आली आहे. दादासो कळसाईत हे टाकळी गावचे ग्रामपंचायत सदस्य आहेत. त्यांनी व्यायाम शाळेचा अनुदान आणि अनुदानाचा घोटाळा झाला आहे, अशी तक्रार जिल्हा परिषद मुख्य कार्यकारी अधिकारी, जिल्हाधिकारी आणि उपमुख्यमंत्री, देवेंद्र फडणवीसांकडे कैफियत मांडली. शासनाकडून कोणत्याही प्रकारचा प्रतिसाद मिळत नसल्याने दादासो कळसाईत यांनी गुरुवारी टोकाची भूमिका घेतली.
दादासो कळसाईत हे टाकळी येथील इतर ग्रामपंचायत सदस्यांना घेऊन पालकमंत्री चंद्रकांत पाटील यांना भेटण्यासाठी सोलापुरात आले होते. मात्र पोलिसांचा कडेकोट बंदोबस्त असल्याने निवेदन देण्यात अडचण निर्माण झाली. शेवटी दादासो कळसाईत यांनी डिझेलचा कॅन एका हातात घेतला आणि टेंबा एका हातात घेऊन स्वतःवर डिझेल ओतून घेतले. पालकमंत्री चंद्रकांत पाटील हे बैठक संपवून पत्रकार परिषद घेतली. यानंतर त्यांचा ताफा बाहेर येताच दादासो कळसाईत हे नियोजन भवनासमोर येऊन आरडाओरडा करत आत्मदहनाचा प्रयत्न केला. बंदोबस्तसाठी तैनात असलेले वरीष्ठ पोलीस निरीक्षक राघवेंद्र क्षीरसागर, पोलीस कॉन्स्टेबल सागर गुंड आणि इतर कमांडो पोलिसांनी ताबडतोब दादासो कळसाईत यांना पकडले. हातातील डिझेलचा कॅन काढून घेतला. पेटलेला टेंबा काढून घेतला.