Tej Police Times
MTHL च्या कामाला दोनदा मुदतवाढ, शिवडी न्हावाशेवा सागरी सेतूच्या खर्चात २ हजार कोटींची वाढ; कारण काय?
शिवडी : न्हावाशेवा सागरी सेतूच्या (एमटीएचएल) खर्चात २,१९२ कोटी रुपयांची वाढ झाली आहे. तसेच कंत्राटदाराला दोन वेळा मुदतवाढ देण्यात आल्याचे माहिती अधिकारात समोर आले आहे. माहिती अधिकारी कार्यकर्ते अनिल गलगली यांनी याबाबत माहिती मागवली होती.
गलगली यांना मुंबई महानगर प्रदेश विकास प्राधिकरणाकडून (एमएमआरडीए) मिळालेल्या माहितीनुसार, हा मार्ग चार टप्प्यांत तयार करण्यात आला. त्याला पॅकेज असे म्हटले गेले आहे. पॅकेज १चे कंत्राट ७६३७.३० कोटी रुपयांना देण्यात आले. त्यात आता ९९९.६७ कोटी रुपयांची वाढ झाली आहे.
गलगली यांना मुंबई महानगर प्रदेश विकास प्राधिकरणाकडून (एमएमआरडीए) मिळालेल्या माहितीनुसार, हा मार्ग चार टप्प्यांत तयार करण्यात आला. त्याला पॅकेज असे म्हटले गेले आहे. पॅकेज १चे कंत्राट ७६३७.३० कोटी रुपयांना देण्यात आले. त्यात आता ९९९.६७ कोटी रुपयांची वाढ झाली आहे.
पॅकेज २चे कंत्राट ५६१२.६१ कोटी रुपयांना देण्यात आले असून, त्यात आता ९३६.४५ कोटी रुपयांची वाढ झाली आहे. पॅकेज ३चे कंत्राट १०१३.७९ कोटी रुपयांना देण्यात आले होते व त्याता आता २३२.३७ कोटी रुपयांची वाढ झाली आहे.
पॅकेज ४च्या ४४९ कोटी रुपयांच्या कंत्राटात आता २३.२४ कोटी रुपयांची वाढ झाली आहे. यामुळे मूळ १४ हजार ७१२.७० कोटी रुपये खर्च असलेला हा प्रकल्प आता २९९२.७३ कोटी रुपयांनी वाढून १६ हजार ९०४.४३ कोटी रुपयांचा झाला आहे.
हेही वाचा – मुंबईहून फक्त ९० मिनिटांत पुण्याला पोहचा, कसा असेल प्रवास, कुठला असेल मार्ग; वाचा
कंत्राटदारांना दोन वेळा मुदतवाढ मिळाली आहे. त्यांचे काम २२ सप्टेंबर २०२२ रोजी पूर्ण करणे अपेक्षित होते. एमएमआरडीए प्रशासनाने त्यांना २२ सप्टेंबर २०२३ ही प्रथम मुदतवाढ व त्यानंतर १५ डिसेंबर २०२३ ही दुसरी मुदतवाढ दिल्याचे माहितीत म्हटले आहे.
दरम्यान, देशातील सर्वात लांब समुद्री पूल अर्थात मुंबई ट्रान्स हार्बर सी लिंकमुळे मुंबई – नवी मुंबई हे अंतर केवळ २० मिनिटांत पार करता येणार आहे. हा ट्रान्स हार्बर सी लिंक २२ किमी लांब असून जवळपास १८ किमी समुद्रातून असून इतर पावणे चार किमीचा मार्ग हा जमिनीवरील आहे. मुंबईतल्या शिवडीतून नवी मुंबई २० मिनिटांच्या अंतरावर येईल, तर दुसरीकडे मुंबई-पुणे हायवेला हा मार्ग पुढे जोडला जात असल्याने मुंबई-पुणे अंतरही या मार्गामुळे कमी होणार आहे.