विद्यापीठात भोंगळ कारभार; ‘मॅनेजमेंट कौन्सिल’च्या बैठकीत ‘लाभा’च्या विषयांनाच मंजुरी, सदस्याची तक्रार

पुणे विद्यापीठाचे प्रशासन अधिसभा, व्यवस्थापन परिषदेच्या ठरावांना केराची टोपली दाखवून विद्यापीठ कायद्याचा भंग करण्याचा प्रकार वारंवार सुरू आहे. विरोध केलेले वादग्रस्त ठराव मंजूर करून घेतल्याचे दाखवून अधिसभा आणि मॅनेजमेंट कौन्सिलची फसवणूक केली जात आहे. भ्रष्टाचाराचे आरोप होत असलेल्या विभागांना कोट्यवधींचा निधी वाटला जात आहे. सोयीने सभा घ्यायच्या आणि सोयीने त्यातील विषयांना विरोध असला, तरी वैयक्तिक लाभासाठी मंजुरी घ्यायची, असे गंभीर प्रकार सुरू आहेत. विद्यापीठ कामासंदर्भातील अनेक फाइल्स विद्यापीठाच्या प्रशासनाकडे अनेक महिने प्रलंबित आहेत. कॅस शिबिर, प्राध्यापक भरती, नेट सेट स्क्रुटिनी, प्रमाद समितीसह अनेक समितींचे विषय तीन ते चार महिन्यांपासून प्रलंबित आहेत. आगामी काही दिवसांत या प्रकारांमध्ये सुधारणा दिसली नाही, तर नाईलाजाने तीव्र आंदोलन उभारावे लागेल. त्या वेळी प्रत्येक मुद्द्यावरील सखोल पुरावे आणि कागदपत्रे जाहीरपणे मांडू असा इशारा वैद्य यांनी दिला आहे.

ठेकेदार पोसण्याचा प्रकार

विद्यापीठातील ठेकेदारी देण्याची पद्धत सदोष आहे. बांधकामाबाबतच्या बैठका नियमित घेतल्या जात नाही. या बैठका तहकूब करून, त्याचे इतिवृत्तही दिले जात नाही. याबाबत अधिसभेने वारंवार लक्ष वेधुनसुद्धा, ऐन वेळी मुदतवाढीचे ठराव आणून काही ठरावीक ठेकेदार पोसण्याचा उद्योग विद्यापीठात सुरू आहे, असा आरोप वैद्य यांनी केला.
स्पीड नव्हे, ‘रीढ’ ब्रेकर; नाशिक बनले अडथळ्यांचे शहर, ‘व्हीआयपीं’च्या घरांलगत नियमबाह्य उभारणी
काय आहेत तक्रारीत?

– विद्यापीठ महाविद्यालयांना पूर्ण वेळ प्राचार्य ठेवण्यासाठी नोटीस पाठवत आहे. मात्र, विद्यापीठातील अधिष्ठातांची पदे रिक्त असून, कुलसचिवांसारखी पदे प्रभारी आहेत.
– एका अधिकाऱ्यावर दोन ते तीन विभागांचा प्रभारी कार्यभार आहे. यावर काहीही ठोस उपाययोजना करण्याचे प्रयत्न आपल्याकडून होताना दिसत नाही.
– नगर आणि नाशिकच्या उपकेंद्रांबाबत अधिकारी आणि काही झारीतल्या शुक्राचार्यांची भूमिका आकस, द्वेष भावनेतून सुरू आहे. त्यामुळे ‘नाही’ म्हणायचे नाही आणि काहीच काम करायचे नाही, अशी कार्यपद्धती आहे.
– विद्यापीठात आंदोलन, उत्सव, उपक्रम करण्याबाबतची कार्यपद्धती अन्यायकारक आहे.

या विषयांना मंजुरी

– शैक्षणिक वर्ष २०२४-२५साठी ८० नवीन महाविद्यालय सुरू करण्यासाठीच्या इरादापत्रांना शिफारशीसह मंजुरी दिली.
– युवा संगम तिसरा टप्पा (आसाम) ‘सांस्कृतिक शैक्षणिक प्रवास भेट’ उपक्रमाला मंजुरी.