Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
आनंदाची बातमी! सामान्यांचे घराचे स्वप्न होणार पूर्ण; म्हाडा नवा प्रकल्प उभारणार, वाचा सविस्तर
छत्रपती संभाजीनगर: जनसामान्यांना रास्त दरात दर्जेदार घरांची सुविधा उपलब्ध करून देणारा म्हाडा विभाग पैठण रोडवरील नक्षत्रवाडी येथे एक हजार ५६ फ्लॅट उभारणार आहे. पंतप्रधान आवास योजनेअंतर्गत (पीएमएवाय) हा भव्य गृहप्रकल्प उभारण्यात येत असून येत्या डिसेंबर २०२५ पर्यंत हा प्रकल्प पूर्णत्वास यावा, यासाठी विभागामार्फत प्रयत्न केले जात आहेत. पर्यटन वऔद्योगिक नगरी असलेले छत्रपती संभाजीनगर गेल्या काही वर्षांत झपाट्याने विस्तारले आहे.
रोजगाराच्या अनेक संधी, शिक्षणाची सोय यासह एक महानगर म्हणून विविध सोयीसुविधा आदी कारणांमुळे या शहरात वास्तव्यास येणाऱ्यांची संख्या वाढत आहे. घरांची मागणी वाढली असून पैठण रोड, सातारा, देवळाई, पिसादेवी, हर्सूल-सावंगी, पडेगाव, वाळूजसह शहर परिसरात वसाहत वाढल्या आहेत. शहराचा वाढता विस्तार आणि लोकांची निवाऱ्याची गरज लक्षात घेता त्यांना रास्त दरात दर्जेदार घरे या योजनेच्या माध्यमातून देता यावी यासाठी म्हाडा प्रयत्नशील आहे. पंतप्रधान आवास योजनेअंतर्गत सर्वांसाठी घर हे लक्ष्य शासनाने ठेवले आहे.
यात प्रत्येक घरकुलासाठी अडीच लाख रुपयांचे अनुदान आहे. याच योजनेअंतर्गत अत्यल्प उत्पन्न गटातील नागरिकांसाठी नक्षत्रवाडी या परिसरात गृहप्रकल्प उभारण्यासाठी म्हाडा विभागाने कार्यवाही सुरू केली आहे. पंतप्रधान आवास योजनेअंतर्गत सादर केलेल्या या गृहप्रकल्पाच्या प्रस्तावाला राज्य आणि केंद्र समितीकडून मंजुरी मिळाली असून, निविदा प्रक्रियाही अंतिम टप्प्यात आली आहे. निविदा उघडल्यानंतर पात्र कंत्राटदारास वर्कऑर्डरची पुढील कार्यवाही होईल, असे सूत्रांनी सांगितले. ही सर्व प्रक्रिया येत्या काही दिवसांत पूर्ण होईल, असेही त्यांनी नमूद केले.
रोजगाराच्या अनेक संधी, शिक्षणाची सोय यासह एक महानगर म्हणून विविध सोयीसुविधा आदी कारणांमुळे या शहरात वास्तव्यास येणाऱ्यांची संख्या वाढत आहे. घरांची मागणी वाढली असून पैठण रोड, सातारा, देवळाई, पिसादेवी, हर्सूल-सावंगी, पडेगाव, वाळूजसह शहर परिसरात वसाहत वाढल्या आहेत. शहराचा वाढता विस्तार आणि लोकांची निवाऱ्याची गरज लक्षात घेता त्यांना रास्त दरात दर्जेदार घरे या योजनेच्या माध्यमातून देता यावी यासाठी म्हाडा प्रयत्नशील आहे. पंतप्रधान आवास योजनेअंतर्गत सर्वांसाठी घर हे लक्ष्य शासनाने ठेवले आहे.
यात प्रत्येक घरकुलासाठी अडीच लाख रुपयांचे अनुदान आहे. याच योजनेअंतर्गत अत्यल्प उत्पन्न गटातील नागरिकांसाठी नक्षत्रवाडी या परिसरात गृहप्रकल्प उभारण्यासाठी म्हाडा विभागाने कार्यवाही सुरू केली आहे. पंतप्रधान आवास योजनेअंतर्गत सादर केलेल्या या गृहप्रकल्पाच्या प्रस्तावाला राज्य आणि केंद्र समितीकडून मंजुरी मिळाली असून, निविदा प्रक्रियाही अंतिम टप्प्यात आली आहे. निविदा उघडल्यानंतर पात्र कंत्राटदारास वर्कऑर्डरची पुढील कार्यवाही होईल, असे सूत्रांनी सांगितले. ही सर्व प्रक्रिया येत्या काही दिवसांत पूर्ण होईल, असेही त्यांनी नमूद केले.
सर्वसामान्यांसाठी परवडणारी घरे उभारण्यासाठी जिल्हा प्रशासनाने जागा उपलब्ध करून दिली आहे. नक्षत्रवाडी परिसरातील गट नंबर ९ मध्ये ६.४ हेक्टर क्षेत्रावर हा भव्य गृह प्रकल्प उभारण्यात येणार आहे. यात एकूण एक हजार ५६ फ्लॅट असतील. प्रकल्प उभारण्यासाठी सुमारे ९० कोटी रुपयांचा खर्च अपेक्षित आहेत. या ठिकाणी पाच ते सहा मजली इमारती उभारण्याचे नियोजन असून, वन बीएचके फ्लॅट विक्रीस उपलब्ध असतील. फ्लॅटधारकांना गृह प्रकल्प परिसरात उद्यान, सभागृह, खेळाचे मैदान, दुकाने आदी सोयीसुविधांही उपलब्ध करून देण्यात येणार आहेत.
मागणी तसा पुरवठा या तत्त्वाने या फ्लॅटची निर्मिती टप्प्याटप्प्याने होणार आहे. पहिल्या टप्प्यात ४०० अर्ज आले तर त्याप्रमाणे ४०० फ्लॅट उभारले जाणार आहेत. लॉटरी पद्धतीने घरांची सोडत होणार असून डिसेंबर २०२५ पर्यंत प्रकल्प उभारण्याचा मानस व्यक्त करण्यात आला आहे. दरम्यान छत्रपती संभाजीनगर म्हाडा विभागाचे मुख्याधिकारी मंदार वैद्य म्हणाले की, सर्वसामान्य नागरिकांना हक्काचे घर मिळावे, यासाठी पंतप्रधान आवास योजनेअंतर्गत हा गृहप्रकल्प उभारला जात आहे. प्रकल्पाच्या कामास तातडीने प्रारंभ होऊन तो नियोजन कालावधीत पूर्णत्वास यावा, यासाठी प्रयत्नशील आहोत.
नक्षत्रवाडी परिसरात हा गृहप्रकल्प उभारला जात आहे. एकूण एक हजार ५६ फ्लॅट येथे असतील. निविदा प्रक्रिया अंतिम टप्प्यात असून, लवकरच प्रकल्पाच्या कामास प्रारंभ व्हावा, या दृष्टीने कार्यवाही होत आहे, असे छत्रपती संभाजीनगर म्हाडा विभागाचे कार्यकारी अभियंता नितीन शिंदे म्हणाले.