खेळताना अचानक उलट्या, मग बेशुद्ध पडली, चार वर्षीय चिमुकलीचा उपचार दरम्यान मृत्यू

तिची प्रकृती गंभीर स्वरूपात अत्यवस्थ झाल्याने तिला तात्काळ जिल्हा रुग्णालयातील आयसीयूमध्ये दाखल करण्यात आले होते. यावेळी तिच्यावरती उपचार सुरू असतानाच तिचा दुर्दैवाने मृत्यू झाला. ३१ डिसेंबर रोजी रविवारी सायंकाळी साडे पाचच्या दरम्यान तिचा मृत्यू झाला. रत्नागिरी रसाळवाडी येथील शांतीनगर परिसरात हे कुटुंब प्रकाश झोरे यांचेकडे भाड्याने राहते. या चिमुकलीच्या मृत्यूने परिसरात हळहळ व्यक्त केली जात आहे.

मात्र, या चिमुकलीच्या मृत्यूचे कारण अद्याप समजू शकलेले नाही. शवविच्छेदन अहवाल डॉक्टरांनी राखून ठेवला असून व्हिसेरा तपासणीसाठी पाठवण्यात आला आहे. या सगळ्या प्रकरणाची नोंद रत्नागिरी शहर पोलीस ठाण्यात करण्यात आली असून अधिक तपास पोलीस हेडकॉन्स्टेबल राकेश तटकरी करत आहेत.

खोलीबाहेर जेवणाचा डबा, लाइट-पंखा सुरुच, पण आतून कोणी प्रतिसाद देईना, खिडकीतून आत पाहताच…
Read Latest Maharashtra News And Marathi News