Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
नववर्षाच्या पहिल्याच दिवशी १० वर्षीय मुलीवर काळाचा घाला, आईस्क्रीम घेऊन घरी जात असताना….
दौंड (पुणे) : शहरातील गोड राऊंड चौकातून बोरावके नगर रस्त्याने जाणाऱ्या दुचाकीला ऊस वाहतूक करणाऱ्या ट्रॅक्टरने धडक दिल्याने दुचाकीवरील दहा वर्षाच्या मुलीचा ट्रॅक्टरला जोडलेल्या ट्रॉलीच्या चाकाखाली चिरडून मृत्यू झाल्याची संतापजनक घटना घडली. मुलगी आपल्या काकाबरोबर आईस्क्रीम घेऊन घरी जात असताना काळाने तिच्यावर नववर्षाच्या पहिल्याच दिवशी घाला घातला.
लोहमार्ग पोलीस कर्मचारी संजय बापूराव थोरात यांची मुलगी मृणाल संजय थोरात(वय १०, रा. वेताळनगर, दौंड) हिचा अपघातामध्ये मृत्यू झाला आहे. याप्रकरणी काका संतोष बापूराव थोरात (रा. वेताळ नगर, दौंड) यांनी फिर्याद दिली.
लोहमार्ग पोलीस कर्मचारी संजय बापूराव थोरात यांची मुलगी मृणाल संजय थोरात(वय १०, रा. वेताळनगर, दौंड) हिचा अपघातामध्ये मृत्यू झाला आहे. याप्रकरणी काका संतोष बापूराव थोरात (रा. वेताळ नगर, दौंड) यांनी फिर्याद दिली.
पोलिसांच्या माहितीनुसार, फिर्यादी व त्यांचे भाऊ संजय थोरात हे वेताळ नगर येथे एकत्र राहतात. १ जानेवारी रोजी रात्री ९ वाजताच्या सुमारास फिर्यादी आपली पुतणी मृणाल हिला दुचाकीवर घेऊन दौंड येथील अण्णाभाऊ साठे उद्यानासमोरील गोकुळ हॉटेल येथे आईस्क्रीम आणण्यासाठी गेले होते. आईस्क्रीम घेऊन ते दोघे गोल राऊंड ते कुरकुंभ रस्त्याने घरी जात असताना गोलराऊंड जवळील पेट्रोल पंपासमोर पाठीमागून उसाने भरलेल्या भरधाव ट्रॅक्टरने त्यांना ओव्हरटेक केले.
यावेळी ट्रॅक्टरचा वेग जास्त असल्याने ट्रॅक्टरला जोडलेल्या दोन नंबर ट्रॉलीचा फिर्यादी यांच्या दुचाकीला जोरदार धक्का लागला. त्यामुळे फिर्यादी व दुचाकी वरील त्यांची पुतणी खाली पडले. यावेळी ट्रॉलीचे चाक मुलीच्या डोक्यावरून गेल्याने तिचा दुर्दैवी मृत्यू झाला.