कुख्यात आरोपींची माहिती ‘क्लिक’वर; CMISद्वारे पोलिसांना मिळणार दिशा, कसा होणार फायदा?

या तंत्रज्ञानात १४ हजार ७६० आरोपींची माहिती भरण्यात आली आहे. या माहितीमध्ये आरोपींवर असलेले गुन्हे, त्यांचे राहण्याचे ठिकाण आणि इतर आवश्यक माहिती देण्यात आली आहे. यामुळे नाकाबंदी किंवा विशेष तपास अभियानाद्वारे आरोपींची माहिती अॅपवर उपलब्ध होत आहे. ही माहिती अनेक पोलिसांनी डाउनलोड केलेली आहे. सीएमआयएसमध्ये अजुनही गुन्हेगारांची माहिती भरण्याचे काम सुरू आहे. या आधुनिक तंत्रज्ञानाच्या माध्यमातून अशा गुन्हेगारांवर प्रतिबंधित कारवाई शक्य होणार आहे.
ठाण्यात खाडीकिनारी रंगलेल्या रेव्ह पार्टीवर पोलिसांचा छापा; दारु, अंमली पदार्थांचा मोठा साठा जप्त
अशी असेल माहिती

– गुन्हेगारांची यादी, सद्यस्थिती, इतर माहिती
– आरोपींची डिजिटल क्रिमीनल फोटो
– घटकनिहाय व गुन्हे पद्धतीची माहिती
– तडीपार गुन्हेगारांची माहिती
– फरार आरोपींची यादी

कारवाई करणे होणार सोपे

अनेकदा एका भागातील आरोपी हे दुसऱ्या भागात फिरत असतात. पोलिसांना माहिती नसल्याने त्याच्यावर कारवाई करणे शक्य होत नाही. यामुळे या आधुनिक तंत्रज्ञानाचा वापर करून अशा गुन्हेगारांवर प्रतिबंधित कारवाई करणे सोपे होणार आहे.