जखमी पुतण्याला पाहण्यासाठी काका-काकू निघाले; वाटेतच अनर्थ, पत्नीच्या मृत्यूनं पतीचा मन हेलावणारा आक्रोश

तेथे गुणवंत पाटील यांना दाखल करून घेण्यात आले तर पुष्पा पाटील यांना जिल्हा रुग्णालयात नेण्याचा सल्ला देण्यात आला. मात्र तोपर्यंत पुष्पा पाटील यांनी जगाचा निरोप घेतला होता. जिल्हा रुग्णालयातील वैद्यकीय अधिकारी यांनी पुष्पा पाटील यांना मयत घोषित केले. घटनेची माहिती मिळाल्यानंतर नातेवाईक व परिसरातील नागरिकांची रुग्णालयात गर्दी झाली होती. याप्रकरणी जिल्हापेठ पोलीस ठाण्यात गुन्ह्याची नोंद करण्यात आली आहे. दरम्यान गुणवंत पाटील यांना मानसिक धक्का बसू नये म्हणून त्यांच्या पत्नीचा मृत्यू झाल्याची बाब काही वेळासाठी त्यांच्याकडून लपविण्यात आली होती.

गुणवंत हे वारंवार पत्नी कुठे आहे, कशी आहे अशी विचारणा करत होते. पत्नीच्या मृत्यूची बातमी कळताच गुणवंत पाटील यांनी मन हेलावणारा आक्रोश केला. तर दुसरीकडे ज्या पुतण्याला पाहण्यासाठी निघाले त्या पुतण्याला पाहण्यापूर्वीच हा अपघात झाल्याने त्याठिकाणचेही सर्व नातेवाईक जिल्हा रुग्णालयात दाखल झाले होते. मयत पुष्पा पाटील यांना एक मुलगा, एक मुलगी, सून, जावई असा परिवार आहे. कुटुंबियांनी जिल्हा रुग्णालयात मोठा आक्रोश केला.