पवारांचा शिंदेंना धक्का, ‘जम्पिंग जॅक’ बाळ्यामामा म्हात्रेंची सातवी राजकीय उडी, भिवंडीत बळ

बाळ्या मामांच्या घरी काही दिवसांपूर्वी लग्नकार्य होतं. त्यावेळी शरद पवारांसह राष्ट्रवादीच्या बड्या नेत्यांनी या विवाह सोहळ्याला हजेरी लावली होती. त्यानंतर बाळ्यामामा राष्ट्रवादीत जाणार याची जोरदार चर्चा रंगली होती. ती चर्चा आता खरीही ठरली आहे.

बाळ्या मामा यांच्या राष्ट्रवादी प्रवेशामुळे भिवंडी लोकसभेची राजकीय गणितं बदलण्याची दाट शक्यता आहे. या मतदारसंघात भाजपचे खासदार कपिल पाटील हे सध्या केंद्रात मंत्री आहेत. बाळ्यामामा हे त्यांचे कट्टर विरोधक.

खरं तर बाळ्यामामा पक्षांतरासाठी प्रसिद्ध आहेत. त्यांनी आतापर्यंत एक-दोन नव्हे, तर तब्बल सहा वेळा पक्ष बदलले आहेत. शिवसेना-मनसे-भाजप-शिवसेना-काँग्रेस-राष्ट्रवादी-शिवसेना (शिंदे गट) असे एकूण सहा वेळा पक्ष बदलणाऱ्या बाळ्यामामांचे हे सातवे पक्षांतर. बाळ्यामामांचे पाचही प्रमुख पक्ष फिरुन झाले आहेत. त्यात शिवसेनेत तर तीनदा गेलेत. आता हा त्यांचा आठवा पक्षप्रवेश सोहळा.

यंदाची निवडणूक बहुदा शेवटची, काँग्रेस खासदार शशी थरुर यांचे राजकीय संन्यासाचे संकेत

याआधी, शिवसेनेतील फुटीनंतर म्हात्रेंनी राष्ट्रवादी सोडून शिंदे यांना साथ दिली होती. पण शिंदेंबरोबर राहिलं तर कपिल पाटलांचा प्रचार करण्याची वेळ आपल्यावर येईल, असा त्यांचा विचार झाला. शिवाय लोकसभा लढवण्याची बाळ्यामामांची इच्छा लपून राहिलेली नाही.

भाजपच्या ७० नेत्यांचं पुण्यात मंथन, २५ लोकसभा उमेदवारांबाबत चर्चा, कोणती जागा कोणाला?

बाळ्यामामा हे मुख्यमंत्री एकनाथ शिंदे यांचे अतिशय जवळचे आणि हक्काचे सहकारी होते. मात्र त्यांनीच आता साथ सोडल्याने एकनाथ शिंदे यांच्यासाठी मोठा धक्का मानला जातोय. भिवंडी लोकसभेमध्ये बाळ्या मामांना मानणारा मोठा वर्ग आहे. त्यांची ताकदही या मतदारसंघात आहे. त्यामुळे हा मतदारसंघ राष्ट्रवादीला मिळावा यासाठी स्वतः शरद पवार हे आग्रही होते.

श्रीरामांविषयी वक्तव्य अभ्यासपूर्णच, पण भावना दुखावल्यास खेद, जितेंद्र आव्हाडांनी पुरावे दाखवले
सध्या हा मतदारसंघ काँग्रेसच्या वाटेला आहे. त्यामुळे काँग्रेस हक्क सोडेल का? हा प्रश्न आहे. तसं झालं तर बाळ्यामामा कपिल पाटील यांच्यासमोर मोठं आव्हान उभं करू शकतात किंवा काँग्रेसचा उमेदवार जरी असला तरी त्याला बाळ्यामामांची ताकद पाटील यांच्यासाठी डोकेदुखी ठरणारी असेल, अशी चर्चा भिवंडीत रंगू लागली आहे.

दरम्यान राष्ट्रवादीच्या भिवंडी लोकसभा प्रभारीपदी बाळ्यामामा यांची नियुक्ती करण्यात आली आहे. त्यामुळे एकीकडे शरद पवारांनी एकनाथ शिंदे यांना दणका देताना दुसरीकडे भाजपच्या उमेदवारालाही अडचणीत आणलं आहे. पवारांनी टाकलेले फासे जर त्यांच्या नियोजनाप्रमाणे पडले तर मुख्यमंत्र्यांच्या जिल्ह्यातच त्यांचा आणि भाजपचा ‘करेक्ट कार्यक्रम’ होऊ शकतो याचीही चर्चा रंगू लागली आहे.

Read Latest Maharashtra Updates And Marathi News