Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
मैत्रिणीसोबत फिरल्याने संतापला तरुण, मित्राच्या साथीनं युवकाला गाठलं अन्…, नेमकं काय घडलं?
परभणी: मैत्रिणीसोबत यात्रेत फिरल्याचा राग मनात धरून एका युवकास शनिवारी जीवे ठार मारण्याच्या उद्देशाने पाठीत चाकू खुपसून गंभीर दुखापत केली आहे. या प्रकरणी सेलू ठाण्यात एमएलसी जबाबावरून दोन जणांवर गुन्हा दाखल केला आहे. चाकूहल्ल्याच्या घटनेतील गंभीर दुखापत झालेल्या युवकाचे अभिषेक गणेश घुले (२२, हेअर आर्टिस्ट, रा. राजगड कॉलनी, सेलू) असे नाव आहे. अभिषेक घुले यास पुढील उपचारासाठी परभणी शासकीय रुग्णालयात दाखल करण्यात आले आहे.
मिळालेल्या माहितीनुसार, आरोपी लक्ष्मण मोरे आणि त्याचा एक मित्र या आरोपींनी संगनमत करून ६ जानेवारीला सकाळी ११ ते १२ या वेळेत अभिषेक घुले म्हणजे फिर्यादीस चाकूचा धाक दाखवून त्याच्या राहत्या घरून सीतानंद पार्क, सातोना रोड येथे मोटार सायकलवर घेऊन गेले. त्यानंतर त्याला तू मैत्रिणीसोबत यात्रेत का फिरत होतास? असे म्हणत मारहाण करू लागले. दरम्यान दोन्ही आरोपींपैकी एकाने चाकू काढून त्याच्या पाठीत वार केले.
मिळालेल्या माहितीनुसार, आरोपी लक्ष्मण मोरे आणि त्याचा एक मित्र या आरोपींनी संगनमत करून ६ जानेवारीला सकाळी ११ ते १२ या वेळेत अभिषेक घुले म्हणजे फिर्यादीस चाकूचा धाक दाखवून त्याच्या राहत्या घरून सीतानंद पार्क, सातोना रोड येथे मोटार सायकलवर घेऊन गेले. त्यानंतर त्याला तू मैत्रिणीसोबत यात्रेत का फिरत होतास? असे म्हणत मारहाण करू लागले. दरम्यान दोन्ही आरोपींपैकी एकाने चाकू काढून त्याच्या पाठीत वार केले.
जीवे मारण्याच्या उद्देशानेच पाठीत वार करण्यात आले. जखमी झालेल्या अभिषेक घुलेने त्या दोघांपासून आपली कशीबशी सुटका करून घर गाठले. घरी हा सर्व प्रकार सांगून पालकांसोबत रुग्णालय गाठले. सेलू उपजिल्हा रुग्णालयात प्राथमिक उपचार केल्यानंतर पुढील उपचारासाठी त्याला परभणी येथील शासकीय रुग्णालयात पाठविण्यात आले. सध्या अभिषेक घुले ची प्रकृती स्थिर आहे. याप्रकरणी सेलू ठाण्यात दोन जणांवर गुन्हा दाखल केला आहे. सपोनि. एस. टी. चव्हाण तपास करत आहेत.