Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
दहाव्या परिशिष्टातील ‘त्या’ गोष्टी गेमचेंजर ठरणार, माझा निकाल बेंचमार्क सेट करेल: नार्वेकर
मुंबई: संपूर्ण राज्याचे लक्ष लागून राहिलेल्या शिवसेना आमदारांच्या अपत्रातेसंदर्भात विधानसभा अध्यक्षांसमोर झालेल्या सुनावणीचा अंतिम निकाल बुधवारी दुपारी चार वाजता जाहीर होणार आहे. विधिमंडळाच्या मध्यवर्ती सभागृहात विधानसभाध्यक्ष राहुल नार्वेकर हे एकूण सहा याचिकांवरील निकालाचे वाचन करतील. शिवसेना पक्ष म्हणून शिंदे गट आणि ठाकरे गट यांच्यापैकी कोणाला मान्यता मिळणार, कोणाचा व्हीप ग्राह्य धरला जाणार आणि कोणते आमदार अपात्र ठरणार? यासारख्या अनेक प्रश्नांची उत्तरं विधानसभाध्यक्षांच्या आजच्या निकालातून मिळतील. त्यामुळे आजच्या निकालाकडे अनेकांचे लक्ष लागून राहिले आहे. या पार्श्वभूमीवर विधानसभा अध्यक्ष राहुल नार्वेकर यांनी बुधवारी सकाळी प्रसारमाध्यमांशी बोलताना आणखी एक महत्त्वपूर्ण वक्तव्य केले. त्यांचे हे वक्तव्य आमदार अपात्रतेच्या निकालाच्यादृष्टीने अत्यंत महत्त्वपूर्ण मानले जात आहे.
विधानसभा अध्यक्ष राहुल नार्वेकर यांनी म्हटले की, पक्षांतरबंदी कायद्यातील १० व्या परिशिष्टातील ज्या पैलूंवर आजवर चर्चा झाली नव्हती, त्याचे प्रतिबिंब आजच्या निकालातून दिसून येईल. या निकालात कोणत्याही त्रुटी असणार नाहीत. हा निकाल एकप्रकारे नवे मापदंड रचणारा असेल. हा निकाल देताना कायद्याचं तंतोतंत पालन केले जाईल. हा निर्णय कायदा आणि संविधानाला धरुन असेल. सर्वोच्च न्यायालयाने जी तत्त्वं आखून दिली आहे, त्यांचेही या निकालामुळे पालन होईल. आजपर्यंत कोणत्याही खटल्यात दहाव्या परिशिष्टातील काही पैलूंची कधीच चर्चा झाली नव्हती. हे प्रकरणही तसेच असल्याने या पैलूंविषयी चर्चा होणे गरजेचे होते. आजचा निर्णय देताना नेमके हेच पैलू विचारात घेण्यात आले आहेत. त्यामुळे आजचा निकाल हा कायदेशीरदृष्ट्या नवे मापदंड रचणारा ठरेल, असे राहुल नार्वेकर यांनी सांगितले. राहुल नार्वेकर यांच्या या वक्त्व्यामुळे शिवसेना आमदार अपात्रतेच्या प्रकरणात आता कोणता अनपेक्षित आणि धक्कादायक निर्णय घेतला जाणार, याविषयी अनेकांच्या मनात उत्सुकता निर्माण झाली आहे.
विधानसभा अध्यक्ष राहुल नार्वेकर यांनी म्हटले की, पक्षांतरबंदी कायद्यातील १० व्या परिशिष्टातील ज्या पैलूंवर आजवर चर्चा झाली नव्हती, त्याचे प्रतिबिंब आजच्या निकालातून दिसून येईल. या निकालात कोणत्याही त्रुटी असणार नाहीत. हा निकाल एकप्रकारे नवे मापदंड रचणारा असेल. हा निकाल देताना कायद्याचं तंतोतंत पालन केले जाईल. हा निर्णय कायदा आणि संविधानाला धरुन असेल. सर्वोच्च न्यायालयाने जी तत्त्वं आखून दिली आहे, त्यांचेही या निकालामुळे पालन होईल. आजपर्यंत कोणत्याही खटल्यात दहाव्या परिशिष्टातील काही पैलूंची कधीच चर्चा झाली नव्हती. हे प्रकरणही तसेच असल्याने या पैलूंविषयी चर्चा होणे गरजेचे होते. आजचा निर्णय देताना नेमके हेच पैलू विचारात घेण्यात आले आहेत. त्यामुळे आजचा निकाल हा कायदेशीरदृष्ट्या नवे मापदंड रचणारा ठरेल, असे राहुल नार्वेकर यांनी सांगितले. राहुल नार्वेकर यांच्या या वक्त्व्यामुळे शिवसेना आमदार अपात्रतेच्या प्रकरणात आता कोणता अनपेक्षित आणि धक्कादायक निर्णय घेतला जाणार, याविषयी अनेकांच्या मनात उत्सुकता निर्माण झाली आहे.
दरम्यान, यावेळी विधानसभाध्यक्षांनी ठाकरे गटाकडून होणाऱ्या टीकेलाही प्रत्युत्तर दिले. राहुल नार्वेकर आणि मुख्यमंत्री एकनाथ शिंदे यांच्यातील भेट ही चर्चेचा विषय ठरत होती. परंतु, राहुल नार्वेकर यांनी सर्व आक्षेप फेटाळून लावताना म्हटले की, संजय राऊतांना स्वस्तात प्रसिद्धी हवी असते. त्यामुळे त्यांच्या बोलण्याकडे लक्ष देण्याची गरज नाही. तर उद्धव ठाकरे यांच्या वक्तव्याविषयी मी कालच स्पष्टीकरण दिले आहे. जी व्यक्ती माजी मुख्यमंत्री आहे, त्याला विधानसभा अध्यक्षांच्या कामकाजाची माहिती असते. दर १५ दिवसांनी विधानसभा अध्यक्ष आणि मुख्यमंत्र्यांची बैठक होते. वेगवेगळ्या कारणांसाठी या बैठका होतात. उद्धव ठाकरे हे लहान काळासाठी मुख्यमंत्री होते. त्यामुळे कदाचित त्यांना या सगळ्या गोष्टींची माहिती करुन घेता आली नसेल, असा टोला राहुल नार्वेकर यांनी लगावला.