Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
अटल सेतूवरुन धावणार ‘शिवनेरी’? थांबे, टोल, खर्चावर अभ्यास सुरु, प्रवाशांना कसा होईल फायदा?
म. टा. प्रतिनिधी, मुंबई: मुंबई-पुणेदरम्यान एसटीच्या शिवनेरीचा प्रवास आता फेसाळणाऱ्या लाटा पाहत पूर्ण करणे शक्य होणार आहे. अटलबिहारी वाजपेयी शिवडी न्हावा-शेवा अटल सेतूवरून एसटी मार्गस्थ करण्याच्या हालचालींना वेग आला आहे. अटल सेतूवरून एसटी सुरू केल्यास सुटणारे थांबे, टोलचा खर्च, प्रवाशांचा प्रतिसाद यांबाबत एसटी महामंडळाने अभ्यास सुरू केला आहे.
अटल सेतूमुळे मुंबई ते नवी मुंबई शहरांना जोडणारा नवा पर्याय उपलब्ध होणार आहे. यामुळे मुंबईहून अवघ्या २० मिनिटांत सिग्नलमुक्त मार्गाने चिर्ले येथे पोहोचणे शक्य होणार आहे. चिर्लेहून ६० किमी अंतरावर मुंबई-पुणे द्रुतगती मार्ग आहे. यामुळ एसटीची शिवनेरी अटल सेतूवरून सुरू करण्यासाठी पाहणी करण्यात आली आहे, असे एसटीतील वरिष्ठ अधिकाऱ्यांनी सांगितले. मुंबईतून अटल सेतूवर प्रवेश केल्यास मुंबई-पुणेदरम्यान पनवेल एसटी स्थानक वगळावे लागणार आहे. पनवेलसह अन्य लहान-मोठे थांबेही घेता येणार नाही. अटल सेतूवरून शिवनेरीच्या मुंबई-पुणे दरम्यानच्या प्रवास वेळेत नक्कीच बचत होईल. मात्र हे करताना प्रवाशांच्या प्रतिसादावर काय परिणाम होतो, हे पाहून याबाबत निर्णय घेण्यात येणार आहे.
अटल सेतूमुळे मुंबई ते नवी मुंबई शहरांना जोडणारा नवा पर्याय उपलब्ध होणार आहे. यामुळे मुंबईहून अवघ्या २० मिनिटांत सिग्नलमुक्त मार्गाने चिर्ले येथे पोहोचणे शक्य होणार आहे. चिर्लेहून ६० किमी अंतरावर मुंबई-पुणे द्रुतगती मार्ग आहे. यामुळ एसटीची शिवनेरी अटल सेतूवरून सुरू करण्यासाठी पाहणी करण्यात आली आहे, असे एसटीतील वरिष्ठ अधिकाऱ्यांनी सांगितले. मुंबईतून अटल सेतूवर प्रवेश केल्यास मुंबई-पुणेदरम्यान पनवेल एसटी स्थानक वगळावे लागणार आहे. पनवेलसह अन्य लहान-मोठे थांबेही घेता येणार नाही. अटल सेतूवरून शिवनेरीच्या मुंबई-पुणे दरम्यानच्या प्रवास वेळेत नक्कीच बचत होईल. मात्र हे करताना प्रवाशांच्या प्रतिसादावर काय परिणाम होतो, हे पाहून याबाबत निर्णय घेण्यात येणार आहे.
अटल सेतूवरील टोल हा शिवनेरी सुरू करण्याच्या निर्णयात महत्त्वाची भूमिका बजावणार आहे. एसटीच्या गाड्यांवरील टोलबाबत अद्याप कोणतीही स्पष्टता नाही. प्रवासी उत्पन्न, टोल खर्च, इंधन खर्च या सगळ्यांची सांगड घातल्यानंतर प्रवासी मागणीनुसारच शिवनेरी सुरू करण्याबाबत निर्णय होणार आहे.
दहा दिवसांत शक्य
अटल सेतू हा नवीन रस्ता आहे. यामुळे मार्गाचे भाडे नव्याने ठरवण्यात येणार आहे. यानंतर तिकीट मशिनच्या सॉफ्टवेअरमध्ये बदल करून त्याचे अद्ययावतीकरण करण्यात येणार आहे. चिर्लेमार्गे कोकणात जाणाऱ्या प्रवाशांनाही अटल सेतूवरून प्रवासाचा आनंद देण्याचे महामंडळाचे नियोजन आहे. सर्व बाबींची पूर्तता करून मार्ग व्यावहारिक ठरत असल्याचे लक्षात येताच दहा दिवसांच्या आत अटल सेतूवरून शिवनेरी मार्गस्थ होणे शक्य असेल.