कोविडमध्ये भावाचं निधन; कुटुंबाचा भार सांभाळला, आता शेतकरीपुत्राचा यूपीएससी परीक्षेत डंका

महाविद्यालयीन शिक्षण पूर्ण केल्यानंतर पदवीचे शिक्षण घेण्यासाठी त्याने पुणे गाठलं. पुण्यातील फर्ग्युसन महाविद्यालयात त्याने बीएससीला ऍडमिशन घेतलं. दरम्यानच्या काळात आलेल्या कोरोनामध्ये त्याच्या मोठ्या बंधूचे निळकंठ शिंदे यांचं निधन झालं. त्यामुळे तो प्रचंड खचला. मात्र नंतर स्वतःला सावरून त्याने कुटुंबाचा भार सांभाळत पुणे येथे यूपीएससीचा अभ्यास सुरूच ठेवला. अखेर नुकत्याच लागलेल्या केंद्रीय लोकसेवा आयोगाच्या निकालामध्ये महाराष्ट्रातून प्रथम येण्याचा मान अजिंक्य शिंदे यांनी मिळवला. सध्या तो सावित्रीबाई फुले विद्यापीठात एमएससीचे शिक्षण घेत आहे.

जालना जिल्ह्यातील परतुर तालुक्यातील आनंदगाव या छोट्याशा गावचा मी रहिवासी आहे. शेती हा आई-वडिलांचा पारंपारिक व्यवसाय आहे. भावाच्या पाठबळामुळे मी यूपीएससी करण्याचे ठरवलं. मात्र कोविड काळामध्ये माझ्या भावाचे निधन झालं. तेव्हा मी खूप खचलो. मात्र पुन्हा नव्याने उभारी घेत अभ्यास केला आणि आज निकाल आपल्यासमोर आहे. खूप छान वाटतंय. डिस्ट्रिक्ट मायनिंग ऑफिसर ही पोस्ट मला मिळेल, अशी शक्यता अजिंक्य शिंदे यांनी बोलून दाखवली.