कंबरेतून घुसलेली सळई दोन्ही पायातून आरपार, ठाण्यात तरुणासोबत भयंकर अपघात

रविवारी (१४ जानेवीर) रात्रीच्या सुमारास हा अपघात घडला. रौनक रेसीडन्सीच्या निर्माणाधीन साईटवर सुरक्षारक्षकाला एक तरुण हा लोखंडी सळ्यांवर पडलेला दिसून आला. या तरुणाच्या डाव्या बाजूने कमरेखालून ही सळई घुसली ती मांडीमधून बाहेर पडली. मग उजव्या बाजुच्या जांघेतून शिरुन बाहेर पडली होती. सुरक्षारक्षकाने हे पाहताच लगेच इतर कामगारांना तिथे बोलावलं. त्यानंतर कामगारांनी प्रसंगावधान दाखवत ग्राईंडरच्या मदतीने तरुणाच्या शरीरात घुसलेली सळई ही मुख्य साच्यापासून वेगळी केली. त्यानंतर या तरुणाला रुग्णवाहिकेतून रुग्णालयात नेण्यात आले.

सध्या तरुणावर रुग्णालयात उपचार सुरु असून पोलिसांनाही याबाबतची माहिती देण्यात आली आहे. हा तरुण या ठिकाणी कामगार म्हणून काम करत नसल्याची माहिती सुरक्षारक्षकाने पोलिसांना दिली. पोलिसांनी या प्रकरणाचा तपास सुरु केला. जर तो तरुण तिथे काम करत नव्हता तर तो तिथे काय करत होता असा प्रश्न उपस्थित झाला आहे. तरुणावरील उपचार झाल्यानंतर पोलिस त्याची चौकशी करतील.

मुलाला मारण्याआधी गायली अंगाई; कफ सिरप, डॉक्टरांना फोन अन्.. सूचनाने चौकशीत काय-काय सांगितलं?
Read Latest Maharashtra News And Marathi News