लोकल सेवा सुरु होताच पहिल्याच दिवशी प्लॅटफॉर्मवर ‘बत्ती गुल’

‘अटल सेतू’चा वापर सहल अन् मौजमजेसाठी, जीव धोक्यात घालून फोटोशूट, बेशिस्तांवर कारवाईची मागणी
अनेक उरणकरांनी शनिवार आणि रविवारी नवी मुंबईतील मॉल, हॉटेल, थिएटरला जाऊन तसेच खरेदीला जाऊन आनंद साजरा केल्याचे ज्योत्स्ना ठाकूर यांनी सांगितले. असे असताना, शनिवारी रात्रीच्या सुमारास मात्र प्रवाशांना फलाटांवर काळोखातच लोकलमध्ये चढावे लागल्याचे अजित पाटील या प्रवाशाने सांगितले.

उरण रेल्वे स्थानकातील दोन बाजूंच्या फलाटांच्या पट्ट्यात वीजसेवा सुरू होती, तर मधल्या फलाटावर मात्र विद्युत दिवे बंद असलेले दिसून आले होते. यामुळे, रात्री लोकलने येणाऱ्या आणि जाणाऱ्या प्रवाशांना काळोखात चाचपडत चालावे लागल्याचे घनश्याम कडू यांनी सांगितले. रेल्वे स्थानकाच्या उर्वरित भागात मात्र वीज सुरू असल्याचे दिसून आले होते.

रिक्षाचालकांमध्ये चढाओढ

शनिवारपासून सुरू झालेल्या लोकल सेवेमुळे सर्वसामान्य प्रवाशांना दिलासा मिळाला असतानाच, रिक्षाचालकांमध्ये मात्र प्रवासी मिळवण्यासाठी चढाओढ सुरू झाली आहे. यावरून वाहनचालकांमध्ये वाद झाल्याचे दिसून आले. यामुळे उरण परिसरातील रिक्षा संघटनांनी एकत्र येऊन यावर तोडगा काढावा, असा सूर उमटत असून त्यादृष्टीने प्रयत्न करण्यात येत आहेत.

दुचाकींचे बेशिस्त पार्किंग

रेल्वे स्थानकातील वाहनतळामध्ये बेशिस्त पद्धतीने दुचाकी लावण्यात येत आहेत. त्यामुळे स्थानकावर जाण्याच्या मार्गात प्रवाशांसाठी अडचण निर्माण झाल्याचे सांगण्यात आले.

संक्रांतीमुळे भाज्या कडाडल्या, वांगी- गाजर- मटार या भाज्यांना मोठी मागणी, जाणून घ्या ताजे दर