साखर कारखान्यांना दिलासा देणारी बातमी; मळी निर्यातीबाबत केंद्र सरकारने घेतला मोठा निर्णय

या सर्व पार्श्वभूमीवर कारखान्यांना दिलासा देण्यासाठी ‘मोलॅसिस’ निर्यातीवर ५० टक्के कर लावण्यात आला आहे. त्याची अंमलबजावणी दोन दिवसांतच सुरू होणार आहे. यामुळे त्याचे दर आंतरराष्ट्रीय बाजारात टनाला अठरा हजार रुपयांवर पोहोचणार आहेत. हा दर परवडणारा नसल्याने निर्यातीवर मर्यादा येतील. भारतात ११ ते बारा हजार रुपये टन या दरात त्याची विक्री होणार असल्याने कारखान्यांना दिलासा मिळणार आहे.
महाराष्ट्रातील साखर उत्पादन वाढणार; यंदाच्या हंगामाबाबत ‘विस्मा’चा अंदाज, काय कारण?
राज्यात दहा लाख टन मोलॅसिस तयार होते. तैवान, थायलंड, कोरिया यांसह अनेक देशात त्याची निर्यात होते. त्यातून महाराष्ट्राला बाराशे ते तेराशे कोटी रुपये मिळू शकतील. यामुळे कारखान्यांचे आर्थिक गणित सुधारण्यास मोठी मदत होणार असल्याने या उद्योगातून नव्या निर्णयाचे स्वागत होत आहे.

इथेनॉल निर्मितीवरील अंशत: बंदीमुळे कारखाने अडचणीत आले होते. पण नव्या निर्णयाने कारखान्यांना मोठा फायदा होणार आहे.- विजय औताडे, साखर उद्योग अभ्यासक